疫情下，不少市民都會利用外賣平台服務，一名女網民於討論區訴說，樓下鄰居懷疑冒認是外賣購買者，幸遭送餐員識破。她批評該鄰居「唔老實」，「外賣都要貪」，引起網民熱議。
該女網民於「香港討論區」發文指，早前在家點了外賣送餐，送餐員到達後致電予她確認地址是否10樓，期間聽到送餐員對話中其身旁有一把女聲不斷指，「係我呀，係我呀」。送餐員稱已到達樓主的住所門口，惟樓主打開門仍未見對方的身影，其後電話中有人向送餐員說「呢度係8樓喎」。
送餐員幾經波折終成功將外賣送至樓主家門，並講述事發經過，稱當時乘搭升降機至8樓，身旁有人向他道「出啦」，他未有為意，「跟住人哋出咗去」。送餐員按門鐘後，一名女子開門時神情表現疑惑，突然又稱叫了外賣，令送餐員起了疑心，「覺得唔對路」，遂致電予樓主確認地址後才得悉送錯樓層，「佢（送餐員）見到自稱叫咗外賣嘅女人電話無響，先知自己去錯地方」。
送餐員幾經波折終成功將外賣送至樓主家中。istock圖片(示意圖)
樓主得悉該名鄰居的行為後不滿地抱怨，「大家住樓上樓下，做人咁唔老實真係以為無人發現咩？」、「好彩個送外賣車手醒目，如果俾樓下個女人拎咗，我真係冇仇報！」，更猜測該鄰居心態，「唔理啱唔啱食，拎咗先算」！
事件引起網民熱論，有網民批評該鄰居趁機貪便宜，「一餐晏仔都要呃？」、「做人誠實啲好」、「可能佢本身都係慣犯」；有人則為該鄰居辯解，認為只是一場誤會，「可能佢真係咁啱都叫咗外賣呢」、「樓下咁啱都係叫咗外賣啦，諗多咗啦」！
資料來源：香港討論區
星島新聞集團慶回歸25周年專題網站，請即瀏覽
立即下載｜全新《星島頭條》APP：https://bit.ly/3yLrgYZ
