《東周刊》封面獨家報導TVB話題節目《東張西望》有女主持收到恐嚇信表明要將她先姦後斬，「東張」女神人人自危。
對於人生安危受威脅，主持之一陳庭欣今日向本報表示：「《東張西望》係一個深入民心嘅節目，幫咗好多人，亦令市民知道好多真相。一直以來，幕後嘅所有同事，同埋要出外景嘅同事，一定係最辛苦！以我所知今次已經交咗畀警方處理，所以都唔方便多講。其實我好多時都自己開車，車直接泊入公司停車場好安全。我只可以話內部及管理層同事時常關心大家嘅安危，做任何採訪嘅時候，事先都會開會部署好。請大家放心，《東張西望》上下一心，唔會因為收到呢啲信息就退縮，謝謝關心！」
問到庭欣可曾收過類似恐嚇，她直言：「我自己曾經都有收嗰啲奇怪訊息嘅，好似核突相呀，或者啲九唔搭八嘅字呀，八字算命呀，等等，咩都有。」
陳庭欣係《東張西望》嘅資深主持。
陳庭欣承認收過一啲奇怪信訊，但自己揸車出入，相對較安全。
TVB已交警方處理
對於有《東張西望》女主持遭到恐嚇，TVB企業傳訊部今日回覆傳媒查詢表示：「TVB得悉有關事件，由於事情牽涉員工人身安全，本台已立即報警並交由警方處理，本台將全力配合警方調查。TVB暫無其他補充。」另對於有自稱是《東張》前員工爆料，指《東張》節目疑「食人血饅頭」的網上帖文，TVB指有關指控實屬虛假陳述，將保留一切法律追究權利。
《東周刊》獨家披露有《東張》女藝人收到「姦斬令」短訊。
李旻芳表示會憑良心做事。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
