MIRROR演唱會日前發生意外，造成2名舞蹈員受傷，其中一名舞蹈員阿Mo（李啟言）仍然留醫中，已進行兩次大手術，情況改善不大，仍然嚴重，最壞情況恐四肢癱瘓。前港台及商台DJ黃冠斌昨日（29日）於網台D100的節目中評論事件，認為主辦方責無旁貸。
過去黃冠斌曾為ViuTV節目《點相II破局》擔任主持，他亦無懼斷自己將來的米路，狠批ViuTV，「過去呢2年，呢間公司喺香港起碼8成廣告費，我諗都落咗佢哋個袋，而開騷前都售賣各樣嘢（周邊商品），理論上好難叫做無Budget（預算），無得講話將貨就價啦掛……就算係咁都唔應該將人嘅安全納入計算中，我覺得不能接受。」而今次事件有政府介入處理，即開了先例，將來或多或少會影響其他演唱會的製作模式。
至於談到ViuTV的製作路線，起初用了不少本小利大的方法做製作，「例如佢（ViuTV）搵咗好多YouTuber去做節目，將本身網片嘅質素，佢擺喺電視度播。」其後ViuTV開始將節目外判製作，黃冠斌都有內幕爆：「我聽聞outsource（外判）成本低到不得之了，即係如果佢要做10集，賣出嚟搵出面製作公司做，將個錢減到最低，即係Budget（預算）少到不得之了。所以點解見到拍嗰啲嘢都要扭盡六壬，或者要用新方法，好啲嘅（攝影）機、大啲嘅地方……要用最低成本先減省到。」預算低受影響的不只外判公司，連ViuTV內部製作都好難做，「好多內部嘅人都話公司要Cut budget（減預算），而個Budget（預算）係去到……連我曾經服務過嘅亞視都可能冇咁Cut法。」
而最幫公司搵到錢的藝人，都為壓低成本給他們用疑安全性不足的舞台，黃冠斌表示：「從商業角度，你要用佢哋嚟搵錢，係咪（有事的話）唔緊要，我哋捧第二隊，係咪咁？係咪真係賺錢大於一切呢？係咪要賺快錢咁做呢？係咪速食文化，要快到連安全都要罔顧呢？」認為這次事故是讓大家好好思考該行業的問題，最後強調演唱會各個崗位的工作人員，都值得擁有一個安全的舞台讓他們各施其職。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
