19位港姐候選佳麗昨日入營接受特訓，其中14位佳麗今日穿上露腰運動裝示人，曾經接受割腫瘤手術的3號陳瑞菱亦不例外，現場見她肚皮上的1呎疤痕好明顯，問穿露腰衫可有心理壓力？她說：「唔會，接受咗係身體一部分，提醒大家要正面同珍惜生命，希望其他人見到唔好諗負面，係參選嘅最大動力，唔想被人誤會我係博同情，想散發多啲正能量畀大家。穿泳裝都唔會有壓力，呢個經歷感到驕傲，教我珍惜地球每一日。」
陳瑞菱媽媽是開設美容中心，陳瑞菱笑言有幫襯做激光，而且有畀錢，只是平一點。她透露曾跟麥潔文學唱歌，不過有段時間沒練習，今日被趙增熹批評音與拍子也不準，有待改善。
陳瑞菱胸前痕疤好明顯，佢話有幫襯媽咪嘅美容中心做除疤，會逐步改善。
陳瑞菱唔想畀人覺得博同情，參選亦想發放多啲正能量。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
