19位港姐候選佳麗入營接受音樂劇及舞蹈特訓，其中14位佳麗接受音樂劇訓練，今日大會安排趙增熹及麥秋成特訓佳麗，趙增熹笑言教佳麗唱歌任務好艱鉅，只有一個半個佳麗啱音，希望一個月後睇到奇蹟；而麥秋成也一額汗，指佳麗愈唱愈快似趕客，期望鞭策下有神蹟出現。
趙增熹與麥秋成一齊受訪，趙增熹出名惡又嚴厲，問他會否忍不住鬧人？他說：「唔覺自己鬧人，只係大聲講出評語。」至於佳麗是否五音不全？他笑說：「不如問有冇人啱音，都有一個半個啱音，但唔會教到嘔血，會盡力而為，如果一個月見到佢哋有進步已經好大成功感。」他承認教學生多年，今次是最難忘，說到這個熨手煎堆，他戲言被監製整蠱。
麥秋成同趙增熹一講起佳麗唱功，就話一額汗。
真係得一個半個啱音咁陰公豬？
雖然麥秋成未正式接手做訓練，但見到佳麗唱歌的節奏感已一額汗，他說唱加跳其實幾辛苦，要唱啱音又要跳得準，對佳麗及他是挑戰，期望在鞭策下有神蹟出現。他又說今次教女仔跳舞，事前不需問準太太湯怡，笑言：「冇人fight得贏佢！」由於跳舞有身體接觸，所以請了女助手幫手。
麥秋成話冇人fight得贏佢老婆湯怡。
趙增熹希望有奇蹟出現，佳麗們加油呀！
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
