最近有網民投稿至臉書群組，指近日收到一位十多年沒見面的舊同學WhatsApp短訊，問她「可唔可以做我女朋友？」，嚇得樓主馬上封鎖對方，但對方居然惡意報復，令樓主下場相當淒慘。
樓主本來以為事情告一段落，但原來最嚇人的事陸續有來。樓主指：「條友唔知係咪因為想玩報復，竟然癲到扮我前度向我男朋友抹黑我，屈我四圍其他男人搞曖昧同四圍亂搞男女關係，點知我男朋友又信以為真，主動向我提出分手！」
她的這位舊同學變成恐怖情人，行動更逐步升級。樓主說：「條友癲到寫信上我公司投訴我，結果搞到我第二日畀上司問話，單嘢仲因為咁揚晒，依家搞到全公司上下都知！個個都以為我係嗰啲專門亂搞男女關係嘅八婆！」
樓主指，雖然她的上司指事件屬私人糾紛，認為投訴不成立，但樓主感到，自從事件發生後上司已不再重用她。「佢開始唔再信任我，亦唔再對我委以重任，就連平時一直有偈傾嘅同事都開始疏遠我！」她又指，目前公司只因「唔炒得我先夾硬留住我」，但直言繼續留在這家公司「日子一定唔會好過」。
樓主道出慘況後，向網民問意見，到底自己應該另謀出路？還是繼續留在這家公司？另外她又問：「四圍抹黑我嗰條友，大家又覺得有冇需要搵律師告佢誹謗？因為呢單嘢唔只毀我清譽，直頭影響埋我職場生涯。」
樓主這則分享帖文在網上引起熱議，但網民意見兩極。有人留言質疑：「感覺件事唔係你講得咁簡單」、「冇聯絡嘅中學同學，會知你喺邊度返工，又可以搵到你男朋友 ？係咪上半截嘅故事特登唔講咋 ？」；同時亦有不少網民支持樓主反擊：「告喇，唔告妳就一世被人標籤咗係水性楊花，賠償一定要有報紙上道歉，連上案件編號之類，保障妳自己呀；走喇，魚唔過塘唔肥，佢都唔信妳嘅時候，妳無咩成績可以做到出嚟」。
星島新聞集團慶回歸25周年專題網站，請即瀏覽：https://bit.ly/39AQC3m
立即下載｜全新《星島頭條》APP：https://bit.ly/3yLrgYZ
