手調飲品可謂不少港人的最愛，不過食物衞生同樣重要。有顧客於荃灣一間台式飲品店購買一杯珍珠奶茶後，竟發現有一隻巨型曱甴混在飲料內，大感惡心，目擊者亦呼籲街坊買飲品時要細心注意有否「加料」！
一名網民於facebook群組「荃灣友」發文指，近日於荃灣路德圍一間台式飲品店看到有顧客購買了一杯珍珠奶茶，豈料杯內竟藏有一隻巨型曱甴。從相中可見，該杯珍珠奶茶飲了約三分一，曱甴隨即浮現，其身型頗大且纏繞著黑色的飲管，畫面相當驚人。樓主得悉後亦大感崩潰，「邊個飲到都唔好，一世有陰影」，並呼籲一眾街坊，「大家飲前真係要小心」！
istock圖片（示意圖）；細圖為FB圖片
有顧客於荃灣台飲店買珍珠奶茶，驚見巨型曱甴。FB圖片
帖文引起網民熱論，紛紛大呼噁心，「見到都想喊」、「大隻到咁，好恐怖」、「唔係即整咩？點會見唔到」；有網民則笑言，「『小強』攬實咗支管，求生意志好強咁」；有人則建議樓主應盡快向食環署投訴，「要報食環署，唔係會有下一個受害者」！
資料來源：荃灣友
立即下載｜全新《星島頭條》APP：https://bit.ly/3yLrgYZ
