有網民今日（22日）在社交平台發布一條車Cam片段，表明勢要網上緝「兇」。事緣於上周五（19日）早上8時50分至55分左右，樓主的爸爸當時駕駛客貨車沿獅子山隧道公路往九龍方向行駛，至新田圍邨附近時，突然被對面線一個大車轆擊中車頭。雖然未有釀成嚴重車禍，但樓主坦言「差一點就令到我無咗個daddy」，遂呼籲有心人能夠提供其他車cam片或肇事車輛的資料。
涉事的客貨車車頭嚴重損毀。網上圖片
從車cam影片可見，當時天色昏暗，大雨滂沱，所有車輛均需要開車頭燈照明路面，期間一個大車轆突然從對面線飛彈至半空，飛越路中石壆及其他私家車，直撞向樓主爸爸的客貨車車頭位置，並發出「嘭」的一聲巨響，撞擊力驚人。其後樓主的爸爸落車查看，發現客貨車泵把飛脫，車頭嚴重損毀，雖未有造成人命傷亡，但樓主的爸爸險喪飛轆下。
樓主懷疑車轆屬於泥頭車。網上圖片
一個大車轆從對面線飛彈而至。網上圖片
樓主事發當日已在社交平台發文講述事件，指一個車轆從對面線「飛嚟」撞向車頭，導致交通意外，「車cam未影到係咩車跌咗個車軚出嚟，只差一點就令到我無咗個daddy」，呼籲有心人提供涉事車輛的資料。事隔數日，樓主再於社交平台發文，指懷疑車轆屬於一輛駛經的泥頭車，「希望各位有心人可以幫忙搵一搵，個架大車車牌……，因為片中好大機會係呢架車甩咗個大車車軚出嚟，但因為當時落太大雨車cam 影唔到」。
立即下載 | 全新《星島頭條》APP ：https://bit.ly/3yLrgYZ
