久違香港歌迷的黃凱芹（Chris），將在下月17日於紅館舉行《細聽。黃凱芹35周年演唱會》，今日他出席在尖沙咀舉行的記者會，他在台上表示由於場地限制，只能舉行1場，所以他笑言不介意在紅館開早、午、晚及午夜場。
Chris受訪坦言只能舉行1場真的「唔夠喉」：「因為場地檔期所限，往後嘅日子加唔到，曾經想喺前面加，但係舞台未搭好想加也冇機會，如果紅館可以開早、午、晚場嘅話，我真係想做，不過，都係純粹講笑。」1日連唱幾場難不到自己？Chris坦言因很少機會現場唱歌，因此歌癮很大，笑言希望有奇蹟出現。
Chris跟台前幕後及主辦單位，今日為演唱會舉行記者會。
Chris樣子及狀態keep得不錯。
會否努力操練身形在台上騷肌？Chrsi透露雖然服裝設計師指他有本錢，但他卻笑指自己是賣唱；不是買肉或賣身，Chris透露歌衫有一種「傲漫與偏見」中的王子造型感覺，他又笑言：「我可以狂野，但我只係想畀大家開心共渡35周年，大家唔係要嚟輕薄我，以前紅館演出有機會與觀眾攬及握手，但依家我唔使驚被人輕薄！」Chris指自己雖然沒有去健身，但也會盡量減少吃肥膩食物以保持身形。
這次35周年演唱會，Chris安排很多大合唱歌，舞台會有個大螢幕，至於嘉賓方面，他稱大會不肯透露，是否會邀請多年好友周慧敏及黎瑞恩？他笑言：「你哋叫啦，叫就真㗎啦，不過唔會請太多嘉賓，因為準備咗40幾首歌唱。」
坦言只開一場唔夠喉。
唔知有冇機會加場呢？
立即下載 | 全新《星島頭條》APP : https://bit.ly/3yLrgYZ
