樂壇天后容祖兒久未在香港公開露面，今日現身尖沙咀出席時裝店開幕活動，她坦言已近兩年沒在香港出席活動，好開心可以見到大家，還很掛住大家。對於紀念羅文老師離世20周年的《羅文20傳承•全城紀念演唱會》將於10月15日在紅館舉行，演出嘉賓名單卻不見徒弟鄭伊健，祖兒表示日前跟草蜢談及此演唱會，草蜢表示之後有音樂會，所以仍在考慮，她又指：「會陸續有人加入，我都好想伊健能參加，因是老師離世20周年。」
談到屆時會在台上哭，祖兒直言自己哭點低，今日見到大家都已想哭，何況到時唱老師的歌，她預告會唱《留給這世上我最愛的人》和《掌聲響起》兩首老師很鍾意的歌。至於紅館開騷計劃，祖兒稱於2019年曾講過三年後開騷，沒料疫情嚴重，可能將今年開騷的計劃推到明年。
祖兒已經有兩年冇喺香港出活動。
祖兒預告會喺羅文紀念騷獻唱《留給這世上我最愛的人》和《掌聲響起》。
祖兒好有老師心，話自己哭點好低，到時一定喊。
希望伊健都能參與。
提到在內地真人騷透露仍未找到好男人令媽媽遺憾，祖兒笑言應該沒甚機會，可能隨便找但不合，她不禁對咪唱出：「其實自己一個更開心！」更讚弟弟生性已做爸爸，令全家好開心，她自認這方面不生性，但媽咪沒催她，因焦點已落在湊孫。
豬糧煮到似麥皮
提到在內地節目食豬糧，祖兒指節目講照顧動物，用電飯煲將豬糧煮到似麥皮，正如朋友會試貓狗糧有否味精是普通事，她直言想養豬已久，現實中未能養就在節目中實現。今日同場還有新一代男神魏浚笙，祖兒未見過對方真人，但在電視見到都讚靚仔，但笑指他是小朋友。
祖兒早前在內地節目試食豬糧。
其實都有人會試貓狗糧，睇吓係咪有味精，祖兒覺得係好普通嘅事。
用電飯煲將豬糧煮到似麥皮。
