上月底MIRROR紅館演唱會大屏幕斷鋼索墮下壓傷兩名舞蹈員，調查香港體育館嚴重事故工作小組舉行會議，指大型屏幕的重量比申報多出不少，鋼索鋼絲的承受力比一般市面購得的少兩成，而鋼索亦出現金屬疲勞，估計屏幕懸掛系統的裝置和裝工均為肇禍起因。MIRROR演唱會舞蹈員之一的方芷欣（方方）於IG發文回應有關調查報告，並標示部分細節，更提出質疑。
她發文說：「先唔講前期計算錯誤問題，Day 3有重新安全檢查，咁嚴重嘅損耗唔知？檢查咩？護繩器唔係護住條威也，又夾住又磨損，安檢又睇唔到？帶班友嚟巡一圈又收工？」對於金屬疲勞，她質疑：「真係意外？」
方芷欣（方方）於IG分享回應有關調查報告。 IG圖
方方又分享友人的回應：「通常唔想啲人負責任都話係金屬疲勞（我以前做碼頭，聽到呢個Terms，覺得好煩厭）；有幾多個人嘅疏忽，個金屬至會出現「疲勞」，強調「唔能夠就咁算數」。
方方另發文提到「連安裝同原件都有問題，加埋舞台效果，吊上吊落又識轉又剩，邊個話ok可以咁樣用？」，她繼續指，「個mon嘅使用程度又係邊個決定？開個show，主辦/承建商連機械嘅安全情況都可以唔知，姐係掉我哋幾十個表演者上台每晚同你搵命搏一舖？罪孽深重，唔係一句我唔知唔關我事就得，正正就係點解你會唔知？」
立即下載｜全新《星島頭條》APP：https://bit.ly/3yLrgYZ
