近日柬埔寨詐騙案成關注焦點，泰國被指是「販賣人口」嘅中轉站，嚇窒旅客，處於敏感時期，J2臨時抽起由胡慧冲(Roger)主持嘅《冲遊泰國7》，改播由「讀心專家」松明、黃庭鋒及陳聖瑜主持嘅《破解讀心理》。Roger尊重公司決定，強調《冲遊7》係介紹最Update嘅資訊，就算遲啲出都唔怕Out。採訪：方騫平
胡慧冲在《冲遊泰國7》介紹最update嘅資訊。
《破解讀心理》首兩集嘉賓有馮盈盈。
《冲遊泰國7》由「泰國通」胡慧冲率「冬蔭家族」到曼谷、清邁、芭堤雅取景，介紹當地最新景點及酒店，甚至出海釣墨魚等，對於節目被抽起，Roger唔失望：「本身係分兩part出，遲啲咪一次過推出囉，我唔擔心俾其他電視台搶播泰國旅遊特輯，大家做法都唔同，我哋以最新資訊性為主。」
《冲遊7》由胡慧冲率「冬蔭家族」到曼谷、清邁、芭堤雅取景。
年少無知嚇餐死
提到泰國嘅最新情況，Roger表示一切如常：「爆出『販賣人口』案件前幾個月，我仲去咗泰北近金三角地帶嘅landmark，幫泰國旅遊局拍宣傳片，嗰度過咗條河就係緬甸，其實時不時會捐窿捐罅去拍嘢。」幾年前Roger曾接獲邀請，力邀他到緬甸一個月推廣當地旅遊，仲話酬勞有商量：「印象最深刻個訊息係寫簡體字，不過我冇諗過喺當地發展就婉拒咗，諗返轉頭覺得自己唔貪錢，好好彩，否則行差踏錯就大件事。」
月前Roger去咗僻靜嘅泰北，近金三角地帶landmark拍宣傳片。
位於Landmark一河之隔就係緬甸。
Roger又透露年少無知，試過為咗停留泰國，選擇最快途徑於相鄰嘅柬埔寨過境：「當時我竟然好隨意咁將護照交畀一個着住制服嘅陌生人，直至對方消失咗好耐，我先開始識驚，好彩最後佢出現返，否則返唔到香港，留落街頭唔知點算好。」
多年前曾跟蔣怡為亞視去緬甸拍旅遊節目。
Roger曾遊歷柬埔寨。
多年前Roger柬埔寨留影。
Roger喺柬埔寨有段驚心動魄故事。
當年Roger為咗停留泰國，選擇最快途徑於相鄰嘅柬埔寨過境。
胡慧冲係泰國旅遊達人，之前跟「布吉妹」為泰旅局拍推廣片段。
立即下載 | 全新《星島頭條》APP : https://bit.ly/3yLrgYZ
