林家謙《Summer Blues 演唱會》昨晚（26日）開到第5場，請來鄭欣宜及鄭中基任嘉賓。欣宜與家謙合唱《救命歌》又獨唱了新歌 《Glitterfalls》，兩人於台上擁抱，欣宜表示：「其實我好多謝你寫《救命歌》畀我，第一次收到呢首歌，感覺上好似有一個人話我聽，我睇到你，聽到你個心入面諗緊咩。」講完更眼濕濕想喊，家謙即上前再安慰，「我當時去緊日本旅行，收到你打電話來喊，我也重以為自己做錯咩事，嚇死我……」欣宜喊住稱：「你首歌好似有一個人摸住我個頭，呵住我咁。」
鄭欣宜擔任林家謙第5場紅館騷嘉賓。
接着欣宜表示用了很多時間，諗定份禮物帶上來送給家謙，最後揭曉是一對「增高鞋墊」，家謙笑言屋企已經有好多「增高鞋墊」。欣宜表示：「增高鞋墊同你的歌一樣，男女合用。最重要係佢可以為你加長個人係咪？祝你以後開騷都似個鞋墊咁，不停加場再加場呀！」
鄭欣宜送上增高鞋墊給林家謙。
鄭欣宜更唱出新歌 《Glitterfalls》。
而鄭中基則與家謙合唱《閉目入神》及《 My only one》，鄭中基表示：「恭喜晒，我記得舊年我演唱會邀請佢做嘉賓，我記得我講過，你食多啲嘢，一號風球將你吹走，今日好開心，八號風球你都仲喺度，證明你大隻咗，真係乖仔啦！」另外鄭中基以月餅做禮物送給家謙，家謙都表示完騷會即刻食。
昨晚（26日）另一位嘉賓是鄭中基。
鄭中基在台上分享，愛女平時不聽中文歌，連他的歌也不聽，只聽家謙的歌，似乎有些吃醋，「重要係佢自己搵來聽，我出返來唱歌，因為我個女，我出番來寫歌，就係因為你林家謙。因為你有咁多咁好聽的歌，唔同style，搞到我都好想寫吓歌。所以我今年先會做碟先，邀請家謙同我一齊寫，我寫半隻，佢幫我寫埋下半隻，睇下有冇機會合唱。」現場觀眾都期待二人的合作。
鄭中基送月餅給林家謙。
鄭中基指愛女只聽林家謙的歌。
立即下載 | 全新《星島頭條》APP : https://bit.ly/3yLrgYZ
