香港地路窄車多，本港經常有私家車疑亂泊車阻路，遭人用噴漆留字警告。網上今日流傳兩張相片，顯示一輛七人車疑因在大埔錦山村的一間國際學校門外違泊，因而遭人於車身用白漆寫上「勿泊」毀壞，事件引來網民熱議。
有港男於fb群組「小心駕駛(討論別人同駕駛態度)」發文並貼上兩張照片，指「應該係外來車泊咗人哋村民位，又頂住學校門口」，估計惹村民不滿，被人用白色噴漆在左邊車身寫上「勿泊」兩字，又表示「人哋門口都泊冇得好怨啦，門口應該有CCTV，睇返應該知道邊個做」。
有七人車被人用白色噴漆在左邊車身寫上「勿泊」兩字。網上圖片
根據樓主上載的兩張相，挪威國際學校大閘門前泊有兩架七人車，而不遠處則放有一個指示牌，表明不准泊車。
事件引來網民熱議，不少人看到涉事車輛被噴漆是「自招」，「呢度喺非法位，一向很少抄，但這事主泊正在人地閘前，被噴油也是自招」、「比鎖車更直接」、「真係無仇報」、「噴字只係警告」、「可能車主自己寫叫人唔好泊佢隔離」、「揸白色車咪冇事囉」。不過，有多名網民笑言，「勿泊」兩字看上去似「貓」，「有幾多人第一眼睇咗係『貓』字」、「我真係睇到個貓字， 以為佢提車主小心貓」。
立即下載｜全新《星島頭條》APP：https://bit.ly/3yLrgYZ
