疫情升溫，港府收緊防疫措施，老弱更需要作高度戒備，盡量減少外出，留家抗疫。66歲米雪(米記)趁疫情未到頂前，昨午相約一班老友記到尖沙嘴飯聚，下午再暢遊中環大館、灣仔喜帖街等，就算因為回程要隔離，不便出外去旅行，自訂香港一日遊依然充實。
以松哥及米記笑得最燦爛。
66歲米記歲向來照顧老人家，昨天「飯腳」除她只係六字頭外，全部「登七」，包括有70歲李龍基、72歲劉松仁、87歲羅蘭，而退咗休轉行做咗中醫嘅「花滿樓」黃允財都係坐上客，屈指一算他都70歲，跟李龍基同年。原來黃允財近年開醫館，免費為貧困老人診治，晚年生活更有意義！
米記安排「飯腳」李龍基、劉松仁、羅蘭組、黃允財個個「登七」以上。
當日「美魔女」米雪架上黑框眼鏡配鬆身白色tee現身，依然好有青春氣息，完全唔似係經已攞咗長者咭，可以坐兩蚊車嘅長者。當天米雪港女上身，每到一個景點都擺晒勝利手勢打卡。另外，她跟李龍基、劉松仁、羅蘭、黃允財應該食得好開心，飯後大合照時大家都笑晒口，看來他們都懂得享受人生，活在當下，珍惜再會時。網民留言話，「懷念前輩的戲劇。」
米記喺大館興奮地除口罩影相。
喺喜帖街打卡。
米記年齡同李龍基只差4年。
5年前劉德華於活動上與一眾歌迷提早慶祝生日，羅蘭及黃允財向華仔派利是。
立即下載 | 全新《星島頭條》APP : https://bit.ly/3yLrgYZ
