舞台危機四伏，尹光曾墮台跌斷手，葉振棠險跌落窿。
Previous Next

環星娛樂成立20周年，老闆張國林指疫情下更需要娛樂，之後葉振棠、尹光、方伊琪及莫旭秋等會陸續開Show，也答應經理人方俊為張偉文申請紅館個唱。就MIRROR紅館演唱會嚴重事故，曾於38年前在新加坡演出期間墮台，導致左手手肘斷骨的尹光感受良多：「對MIRROR嚟講係非常大打擊！」而弱視嘅棠哥自爆喺《輝黃2000演唱會》中幾乎叉錯腳出事，上台表演原來充滿危機。採訪：方騫平

尹光及葉振棠講起曾遇舞台意外都仍然驚驚。
尹光及葉振棠講起曾遇舞台意外都仍然驚驚。
環星老闆張國林答應經理人方俊為張偉文申請紅館個唱。
環星老闆張國林答應經理人方俊為張偉文申請紅館個唱。
因為意外事故，MIRROR要休團兩個月。
因為意外事故，MIRROR要休團兩個月。

日前，環星娛樂老闆張國林率「一哥」尹光、葉振棠、Joe Junior、張偉文、方俊、「黑妹」李麗霞、黃翊、方伊琪及莫旭秋等共20位藝人，為《星級靚聲演唱廳》20周年特輯做直播，每人送上一首歌來賀壽。原來棠哥於環星娛樂成立前經已同張國林合作，而尹光亦跟咗老闆17年，張國林對尹光呢位老臣子信心十足：「佢可以再簽多十年畀我，就算老到冇牙都可以繼續唱。」

張偉文(前左一)、葉振棠(前右一)、張國林(後左一起)、方俊、尹光、方伊琪、莫旭秋對音樂好有熱誠。
張偉文(前左一)、葉振棠(前右一)、張國林(後左一起)、方俊、尹光、方伊琪、莫旭秋對音樂好有熱誠。
當晚黑妹姐(李麗霞)都撐場做直播。
當晚黑妹姐(李麗霞)都撐場做直播。
張偉文直播時狀態大勇。
張偉文直播時狀態大勇。

尹光曾遇兩次舞台意外
72歲尹光堅持只要一日保持到靚聲，都永不言休，提到MIRROR的紅館Show嚴重事故後，12子休團兩個月來調整身心及疏理情緒，尹光明白到舞台演出有一定風險，他同樣中伏兩次：「09年嘅紅館個唱唔記得走位，企喺個升降台位繼續講嘢，直至升降台開始降落，我就馬上跳返上去，嗰次及時執生冇乜問題，最大件事反而喺1984年為新加坡一個賀年節目演出，原先一連做12日，點知第5日出事。」

尹光愈唱愈起勁，唔打算退休。
尹光愈唱愈起勁，唔打算退休。

尹光憶述意外時仍覺驚驚：「因為現場反應太熱烈，又唔知咁先進，大會用緊有伸縮性嘅電動樓梯，加上啱啱有激光射住，我就好興奮咁行埋去鋪咗紅布嘅樓梯位置，豈料當時樓梯經已收返入去，我成個人踏空墮地，即被人抱返入後台再送往醫院，嗰時雖然得40幾歲，但都跌散咗，留院10幾日，仲要坐輪椅返港，一年後喺香港再開刀拆鏍絲，真係好大件事，不過，因為同老闆關係好好唔使賠償。」

09年尹光紅館個唱，因為顧住講嘢走錯位而發生小意外。
09年尹光紅館個唱，因為顧住講嘢走錯位而發生小意外。
在新加坡墮台跌斷手，好返後隻手掂唔到膊頭。
在新加坡墮台跌斷手，好返後隻手掂唔到膊頭。

諗起壓傷舞蹈員好傷心
至於葉振棠喺《輝黃2000演唱會》中因為被激光射住睇唔清楚行到去邊，只差兩步就變成林子祥跌落窿大事件：「嗰次真係好危險呀！好彩耳機及時提醒叫我停步。」疫情下已停工兩年，棠哥坦言𠵱家要追返啲收入：「舞台危機四伏都冇乜辦法，唯有小心啲，開場前睇清楚啲機關係邊。」尹光就收起搞笑，嚴肅地說：「意外冇人想，見壓傷舞蹈員個個都好傷心，人命嚟！」張國林話：「最慘見到MIRROR就聯想到意外情景，希望大家可以盡快淡忘！」

棠哥演出《輝黃2000演唱會》時險重演阿Lam「墮窿」事件。
棠哥演出《輝黃2000演唱會》時險重演阿Lam「墮窿」事件。
意外個個都唔想發生，一眾前輩歌手都好肉赤MIRROR。
意外個個都唔想發生，一眾前輩歌手都好肉赤MIRROR。
MIRROR紅館演唱會第2場，Frankie在講話時踏空，從約1米高台上跌下因而擦傷。
MIRROR紅館演唱會第2場，Frankie在講話時踏空，從約1米高台上跌下因而擦傷。
事後有片段顯示佢差啲跌落㝫，好彩有隊友推返上去。
事後有片段顯示佢差啲跌落㝫，好彩有隊友推返上去。
林子祥在舞台意外後，一邊耳朵聽力受損。
林子祥在舞台意外後，一邊耳朵聽力受損。
2003年，林子祥為汪明荃紅館個唱擔任嘉賓，因為圓形升降台提早降落，阿Lam跌進8呎高台底，一度昏迷送院。
2003年，林子祥為汪明荃紅館個唱擔任嘉賓，因為圓形升降台提早降落，阿Lam跌進8呎高台底，一度昏迷送院。
郭富城喺10年前，第17場「舞臨盛宴演唱會」中出意外。
郭富城喺10年前，第17場「舞臨盛宴演唱會」中出意外。

 

2012年，郭富城第17場「舞臨盛宴演唱會」，當時城城企緊嘅升降台鋼絲突然斷裂，急墜3米，城城跌到四腳朝天。
2012年，郭富城第17場「舞臨盛宴演唱會」，當時城城企緊嘅升降台鋼絲突然斷裂，急墜3米，城城跌到四腳朝天。

立即下載 | 全新《星島頭條》APP : https://bit.ly/3yLrgYZ