家中囤積垃圾雜物，不但導致衛生問題，更會危害個人健康。有網民早前發文分享，指男友的母親有囤積雜物習慣，家中更出現蝨患問題，她到訪男友住所後，被蝨蟲叮咬導致皮膚病復發。其後男友亦現身發文訴說，多年苦勸父母清理雜物不果，「兩老寧願要雜物都唔要個仔」，令他甚感無奈。
該名網民於facebook群組「香港滅蟲關注組」發文指，男友的母親囤積雜物成癮，「瘋狂執嘢返屋企」，惟其父親年事已高無力勸阻。從照中可見，樓主男友家中的雜物堆滿客廳，雜物的種類更是包羅萬有，如單車、膠箱等，整個單位都被雜物包圍，只有客廳中間只有一條狹窄的通道，直言「基本上佢屋企冇一個活動空間」。
樓主透露，自己患有皮膚病，早前已有康復跡象，但到男友居所後，因為家中有大量床蝨、木蝨，因被蝨蟲叮咬導致皮膚病復發，直言「咬到好崩潰」。由於男友打算搬屋，正苦惱應先找滅蟲公司抑或是搬屋公司，「因為好多搬屋公司聽到佢屋企好多蝨之後，唔做佢case（個案）」。
樓主男友近日亦現身發文指，過去12年來，一直勸諭父母戒掉囤物的習慣，惟兩人始終屢勸不聽，「屋企乾乾淨淨，又變返多嘢」，令他深感無奈，直言「我真心好辛苦」。他又指，最近為執屋問題經常發生爭執，父母稱希望「慢慢嚟」，但他認為情況已十分緊急、不能再拖，「根本冇可能慢慢嚟」，於是開始著手掉物，不過他亦十分懷疑自己的決定，「其實我兩老係咪黐線？寧願要啲雜物都唔要自己個仔。大家教吓我點做，我驚扔晒啲嘢會有血案」。
帖文引起網民熱論，有網民認為，即使事主強行清屋，只是「治標唔治本」、「你掉晒佢哋啲嘢，嘈完一輪，轉頭佢哋咪又係執返，只會無限輪迴」、「問題係執垃圾嘅人，扔咗垃圾只是一時」；有網民則建議事主向社工或醫生尋求協助，「其實係心理問題，要對症下藥」、「其實咁樣已經係精神病嚟，係要睇醫生，咁樣先係治根」。
資料來源：香港滅蟲關注組
