網民的女友只叫了一籠灌湯餃結果引來兩老不滿。網上圖片

有網民在「連登討論區」發文，抱怨女友與男方父母一同去酒樓飲茶，女友只點了1籠灌湯餃準備獨食，當未來家翁以為漏單追索其餘的灌湯餃時被女友攔截，令兩老大為不滿，而女友仍懵然不知何事。

發文者指，昨日跟家人飲茶，「一坐低，女朋友杯又唔洗，茶又唔斟，淨係坐係到」。爸爸遞了一張點心紙給女朋友，跟她說不用客氣隨便叫。隨後侍應上菜，爸爸發現只有一籠灌湯餃，於是問侍應係咪漏了3籠，

女朋友竟然打斷對方：「啱呀 Uncle! This is for myself!（世伯，這是我的！」發文者跟父母一臉愕然，之後整頓飯父母都「黑晒面，一言不發」。發文者結賬後，「女朋友細細聲問我頭先做咩事，點解我父母好似有啲不滿咁，我都唔知點答佢」。

不少網民批評女友自我中心、只顧自己，奉勸早日分開，但發文者指「我好愛我女朋友的，係佢有時比較大小姐脾氣」、「唔緊要啦，下次佢嗌完 我proofread 佢張點心紙」。有人又批評女友無餐桌禮儀，發文者解釋，「平時同女朋友食西餐，或者要講英文嗰啲地方，佢安排得好on point的，可能ABC真係唔識呢啲中式餐桌禮儀」。

不過也有人認為，「最多話佢唔識做人啫，佢點知你全家鍾意食咩呀，個個都鍾意食灌湯餃架咩，呢啲位咪你拎張紙幫手寫埋你父母嗰份囉，有時啲嘢就係兩個人互補不足架啦一味嫌有咩意思」。