鄭欣宜完成紅館演唱會後立即炮製新歌《GLITTERFALLS》，日前以「Hot Pink女神」、「閃石女神」、「羅馬女神」、「星空女神」和「戰士女神」等造型拍MV，更親自挑選十位舞者合作，表現興奮。她們連續跳無數次，配合多角度拍攝，愈跳愈起勁，欣宜更透露在家中成日練習，就算外出工作都會抽空對鏡練，謙稱跳舞方面有小小進步。
至於歌名《GLITTERFALLS》，欣宜解釋有「灑金粉」的意思：「我好鍾意閃亮亮嘅嘢，感覺好似Magic（魔法），希望藉這首歌，提醒大家擁抱屬於自己獨有嘅Magic。」此外，MV的多款造型和場景亦令欣宜好興奮：「唔明點解可以喺短短十幾小時轉咗咁多造型和場景？今日真係好多靚衫，𠵱家身上呢件Hot Pink（亮粉紅）係我非常喜愛嘅顏色。而另一款黑色衫褲，全身貼滿閃石，就連頭飾都係閃亮亮，仲有件披肩，感覺好似Super Hero，而全個佈景都係毛毛，好特別！仲有一個場景樓底特別矮，營造逼爆出嚟嘅感覺，有少少羅馬女神感覺，配埋我金色look，四位女Dancers就白色Look，整體感覺好高貴。」
整體造型好特別。
欣宜話鍾意閃亮亮嘅嘢。
全個佈景都係毛毛。
Hot Pink女神。
欣宜呢身打扮好高貴。
其實有跳舞。
海棠春睡pose。
欣宜換上多個造型。
欣宜愈跳愈起勁。
連續跳無數次。
立即下載 | 全新《星島頭條》APP : https://bit.ly/3yLrgYZ
