劉倩婷、黎諾懿、朱凱婷等今日出席一個推廣漢文化的活動，黎諾懿以活動大使身份現身，太太和5歲囝囝都有到場，諾懿笑指活動與囝囝愛玩的線上遊戲有關，囝囝一到場就只顧打機，連爸爸都忘記，但他不擔心囝囝沉迷打機，認為年代不同，現在科技和資訊都很發達，不可能不讓他接觸，父母能做的是控制時間和幫忙過濾資訊，「我限囝囝玩半個鐘，都擔心玩太耐對眼睛不好，亦要多做運動，最重要是要告訴他應看甚麼網上資訊。」
劉倩婷、黎諾懿、朱凱婷等今日出席一個推廣漢文化的活動。
黎諾懿帶同兒子及太太出席。
黎諾懿囝囝玩到忘晒形。
諾懿又說早前拍飲食節目而肥了不少，自言一肥就很穩重，但自己一向走偶像路線，所以用了約3個月減了20幾磅，希望再花半年時間減磅，能夠除衫騷肌，問他是否準備拍內褲廣告？他笑說：「要將黎家的優良傳統攞出來，我對上一次騷肌已經是10年前結婚的時候，太太之前睇相，叫我不如畀番佢，又指住啲韓星同我講，『人哋喺藝人，你又喺藝人，點解你咁嘅』，我就話路線唔同，我走親民派。」
黎諾懿表示要落力減肥。
黎諾懿希望再花半年時間減磅，能夠除衫騷肌。
立即下載｜全新《星島頭條》APP：https://bit.ly/3yLrgYZ
