Chantel謂今年暑假過得特別充實，因為除了玩還有工作。

Previous Next

姚焯菲（Chantel）最近推出單曲《#BFF》，今次講友情令她覺得更有共鳴，特別早前受網片事件困擾的她，能順利捱過，朋友力量功不可抹。她又解釋早前在金曲頒奬禮奪獎時演唱失準，提醒她要更努力進步，最近更嘗試作曲填詞，希望未來能夠有滿意作品可以公開發表。採訪：杜杜 攝影：羅安強

冇見Chantel一排，跟炎明熹一樣都長高了。

新歌《#BFF》由曾出任《聲夢傳奇》客席導師的林奕匡作曲，Chantel好榮幸唱到對方作品，而「BFF」意指Best Friend Forever，以友情作主題她亦唱得份外投入，更想透過作品答謝一直在她身邊的朋友和歌迷，「我有好多好好嘅朋友，想將呢首歌送畀佢哋，同埋我都想用嚟多謝fans，想多謝佢地一直都陪伴住，無論我發生咩事都喺我身邊。」錄音時，她還想起一班《聲夢》戰友，提起仲眼濕濕，「佢哋真係一班好好嘅戰友，死啦想喊𠻹！由比賽開始一直喺身邊陪伴住，呢件事係好美好，生命入面有一班咁好嘅朋友。」

新歌《#BFF》講友情，Chantel覺得唱起來更有共鳴。

Chantel好想藉着新歌，答謝一直支持她的朋友及粉絲。

介意頒獎禮獻唱失準

重視友情的Chantel亦承認早前受網片事件困擾，亦全靠一班好朋友，令她走出低谷，「有時睇見啲負評唔開心，或者間中諗返起嗰件事唔開心，但有朋友喺我身邊，佢哋都會話冇事，你可以做到，捱過呢一關，佢哋一直都喺我身邊話唔會離開我，令我好感動。」而這件不快事，亦令她有所學習及成長，「學到凡事要小心啲，無論係交朋友或者任何事都要提高警覺。」

網片事件一度令Chantel不快，幸好爸爸及家人一直支持。

Chantel在金曲頒奬禮憑《原來談戀情是這麼一回事》奪金曲獎及女新人銀獎，因太緊張令演唱失準。

對於早前在金曲頒奬禮奪獎時演唱失準，Chantel仍很介意，但經一事長一智，未來會繼續提升自己實力，除了想挑戰跳唱歌外，她還趁暑假努力創作，「有屬於自己作嘅歌係非常之重要，好多歌手都係將自己情緒擺喺首歌入面，透過首歌令到更加多人有共鳴，所以我都學習緊。」她透露暫時已完成了半首歌的曲詞，但距離發表還有一段距離，「唔好攞嚟出醜，唔係作得太好，要再改善，我𠵱家作慢歌先，都係講自己經歷，如果真係幾好嘅話，就攞出嚟畀大家聽。」不過Chantel謂唔會畀個限期自己，但會趁得閒努力創作。

Chantel自知樂器不叻，但會用電腦程式學習創作。

立即下載 | 全新《星島頭條》APP https://bit.ly/3yLrgYZ