38歲「亞視一姐」薛影儀（阿儀）再惹官非，今日涉嫌「駕駛時沒有駕駛執照」、「駕駛未獲發牌照車輛」、「沒有第三者保險而使用車輛」及「駕駛電單車時沒有戴上認可防護頭盔」被捕，已獲准港幣5,000元保釋候查，於10月上旬向警方報到。
阿儀當日低胸短裙，賽車女郎打扮現身中環一個賽車記者會。
因為去撐好友黃榕。
當日仲喺咁影相留念。
連主持人李思欣都唔放過集郵。
事件發生於上月13日，當時阿儀以一身賽車女郎打扮現身中環一個賽車記者會，活動後更一時興起，騎上電單車學人揸大膽車，更自己將影片放上個人社交網分享，因而惹禍上身。
阿儀搵人拍片再自己放上網。
外號「沙田Me」嘅商人翟浩琛用心教阿儀玩車。
據《星島頭條》收到獨家消息，有關活動由外號「沙田Me」嘅商人翟浩琛做搞手，佢搵咗「永遠陳冠希緋聞女友」黃榕做賽車女郎，阿儀喺未有諮詢亞視情況下私自答應出席撐老友場，亞視事前完全不知情，至「瀨嘢」後經理人林寶玉馬上「營救」，先保釋阿儀，再跟活動主辦單位商討責任問題。
索爆經理人林寶玉每次都係阿儀救星 。
而當日在場的員工更爆料，指當日阿儀其實係做義工，純撐朋友完全零報酬，一到場更二話不說主動要求換上賽車女郎戰衣，更甘願於烈日當空下暴曬兩粒鐘，期間只問人：「有冇飯盒食？」
有關活動由外號「沙田Me」嘅商人翟浩琛做搞手。
阿儀為咗撐好友黃榕惹禍。
阿儀連同去年9月30日，因在其住所樓下沒有戴好口罩，被拍片公審時和拍攝者推撞及腳踢，罪名成立被控普通襲擊罪及違反《預防及控制疾病(佩戴口罩)規例》，現正保釋等候上訴，再惹官非嘅阿儀被嚴重嚇親，變成受保護動物。另外，記者多次聯絡活動搞手翟浩琛亦聯絡不上。
TEXT:方騫平
再惹官非嘅阿儀被嚴重嚇親。
立即下載 | 全新《星島頭條》APP : https://bit.ly/3yLrgYZ
