可嵐、胡渭康及何艷娟等今日出席手錶活動，早前再度榮升媽媽的可嵐，上圍非常豐滿，她指因現時要餵人奶故仍未收身。可嵐指現在11歲大仔尤俊也會幫忙湊3個月大的細佬，問到在疫情下是否會搞百日宴？她謂不會，但會在家中搞私人派對，問她會不會與從事金融行業的男友再婚？她説：「會私訂終身，等到七老八十之後先簽（紙），咁會覺得浪漫啲。」而曾被前夫家暴的她指產後仍會繼續工作，事業家庭齊兼顧，皆因她認為工作對女士來説好緊要：「因為咁樣先會有安全感，當然有啲朋友問我見過鬼驚唔驚，我話好驚，真係驚，但係有事業就有安全感。（對結婚有陰影？）少少，但唔係主要因素，而家鍾意細水長流。」
可嵐現時要餵人奶仲未收身。
與前夫所生的大仔已經11歲。
今次第二胎都係仔，但可嵐表示暫未打算與男友再婚。
平日亦有收藏手錶習慣的胡渭康指家中有約10多隻，但就不願透露價錢，問到是否以手錶當訂情信物，他笑說：「送地送屋先証明到情比金堅。（有冇送過呢啲畀人？）冇，我係不負責任嘅男人。」胡渭康透露自己本來也要做胡楓（修哥）演唱會嘉賓，但得知修哥確診消息後亦曾致電給修哥，更形容對方聲音「精神到不得了」，但就未知演唱會將會延至何時。
胡渭康也有收藏手錶的習慣。
何艷娟
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
