黃子華最近忙於舞台劇《最後禮物》，而他有份主演的電影《飯戲攻心》亦於今天（7日）上映，未能抽空與一眾演員四出謝票的他，昨日於社交網上載了一條自拍短片，為電影宣傳造勢並寫道：「回水咪回水！唔記得講，同我share出去，咪以為我驚！」
片中子華說：「我啲兄弟姊妹出晒去謝票，我都要做番少少嘢，我呢招最犀利，一句講晒，我睇過《飯戲攻心》，又去過首映，好多人話畀我聽好睇，而家只要你入場睇，睇完，你話唔好睇，回水，講完！」便離開了鏡頭。不過，未幾子華又返回鏡頭前，笑謂正跟律師聯絡，因為「回水」這詞語有很多法律含意，例如回多少$1? $10？ 回H2O？亦都合法等，他繼續以搞笑本色笑言已在阿拉斯加搵了一個測謊機測試是否真心覺得唔好睇，先可以回水，最後子華說：「聽(今)日9月7日《飯戲攻心》，包你話好睇！」
因為要演出舞台劇的關係，子華唯有在社交平台拍片謝票。
子華笑稱如果覺得唔好睇可以回水！
電影已經上畫。
兩人合作得很開心。
王菀之和陳湛文合作有火花。
