今日中秋佳節，人月兩團圓。大家都會關心究竟今晚嘅月亮會有幾圓，有幾大，有幾清晰。據天文台預測，中秋節短暫時間有陽光，日間稍後或晚上可能有「秋風夜雨」。視乎驟雨發展情況，今晚仍有機會在雲隙間看見月光。
月亮上有啲灰暗嘅斑紋。 天文台fb圖片（攝：Boby Chim / 2022年9月6日 / #CWOS）
提到月亮，有否留意到月亮嘅灰暗斑紋？ 月球表面高低起伏，有平原、山谷、盆地，加上有好多隕石坑，望落較光嘅地方其實係高地，相反暗啲嘅位置地勢就較低，嗰啲大面積嘅陰暗區就係月海（Lunar maria）喇。之所以叫月海，係因為以前有人誤以為佢哋係月球上嘅海洋。
而睇返天文台出嘅「賞月錦囊」，今晚月出時間為6時43分，月上中天時間為零時40分，大家要好好留意啦。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
