王丹妮昨晚（9日）以模特兒身份為「香港國際時尚匯展」行騷，雖然已有4年沒有行騷，但着上4吋高踭鞋的她在台上發揮仍然保持水準。丹妮在接受訪問時指接拍電影《梅艷芳》後已沒有行騷，對於今次重回舞台能見到一班熟悉的面孔覺得既開心又緊張：「始終幾年冇行，所以喺台上都有少少緊張。今晚感覺好微妙，我16歲行人生第一個時裝周就係喺呢個舞台，很多美好回憶湧上心頭，好感動。」丹妮又指因穿了多年豆零踭，故今晚所穿的鞋款對她來説完全沒難度。問到想不想接多些這類型的工作，她聽罷後即説：「有騷行我梗係Welcome啦！」
站台嘅王丹妮好有型格。
王丹妮寶刀未老。
丹妮透露稍後將會離港兩星期，到米蘭及巴黎出席時裝周，到時除了工作外，亦會趁機歐遊，問到是否與老公羅孝勇同行？她說：「唔會，佢喺澳洲讀緊脊醫，但我去歐洲嗰兩個星期咁啱佢放假返香港，我哋可以無縫接班，（咁咪見唔到？）係呀，佢真係好好，特登返嚟幫我照顧個女。（有冇培養女兒做Model？）佢遺傳咗我手長腳長，但目前都係讀書先。」
羅孝勇係暖男老公。
索媽王丹妮仍有副好身材。
王丹妮喺電影《梅艷芳》中表現出色。
雖然丹妮現已成為金像獎「最佳新演員」，但她指很難得品牌們多年來一直很照顧自己，故接Job的價錢仍是很友情及親民：「希望可以Job接Job，我絕對唔係天價人，同合作開嘅品牌唔會無嗱嗱加好多，大家合作咗10幾年，關係都似朋友。」
電影《梅艷芳》奪「最佳女配角」廖子妤及奪得「最佳新演員」王丹妮。
王丹妮唔會因為得獎接Job加價。
王丹妮有4年冇行天橋。
王丹妮係事業愈來愈好。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
