「抽水王」林作不時在網上招兵買馬，邀年輕人加入其保險團隊，成為「保險界KOL」，近日一名叫「Tracy」的男子，在社交網分享自己成為林作下屬的「成功故事」。現年18歲的Tracy在網上發佈一篇長文，以「18歲，你會係邊，做緊咩？」為題，講述跟林作搵食後出現的人生巨大變化，他表示曾起早貪黑工作，以勞力同努力換取金錢，但突然受夠這種生活，才決定加入林作的保險團隊實習計劃：「可能唔少人對保險有負面嘅睇法，但我覺得保險點都比做咕喱好吧。」又直言以時間換金錢是最蠢的事。
【點擊睇林作下屬晒命相】
在文中，Tracy指試過在三日內賺取2萬元，雖然不算大數目，但經歷令他體驗到18歲發夢都夢不到的生活：「唔算好多，但無可否認只要肯做，的確搵到錢、搵到大錢，唔係時薪$50、 $100 ，而係三日三個客，total 3個鐘嘅meeting，我得到20k（~$6500/小時）。」他又分享從事保險行業的生活：「K11大部分人唔會陌生嘅商場，但18歲嘅我唔知8樓members only嘅Gentry Club我可以踏入，我手上唔再係$62蚊嘅香煙，而係$7000蚊起跳嘅San Cristóbal de la Habana嘅雪茄（最簡單我冇諗過可以室內吸煙lol），食飯飲嘅唔係幾十蚊嘅藍妹， 而係$6000蚊嘅茅台，而呢一切都係我揀咗保險，揀咗努力，我可以，個個都可以。」
「18歲享受55樓俯視香港」
Tracy又分享被帶往到瑰麗酒店的Carlyle & Co.：「當喺55樓望出去，我耳邊聽到嘅係『努力d俾心機，有一日你可以打拼你嘅天地。』呢一下我明白到，我揀保險，的確有錢、有得玩。而今次，我真係付出幾多得到幾高，唔只係錢，但有地位、 權勢。而且保險唔係打工。」更指自己是老闆而非打工仔。他非常滿足現時的人生：「18歲，我享受梗（緊）3日$20k，18歲，我享受梗（緊）private club快樂。18歲，我享受梗（緊）55樓俯視香港。」帖文一出，即引起不少人討論，但大多數取笑為主，網民留言：「點解我要向一個又囂張又臭寸，講每句嘢都拿埋口面，又chok晒樣咁嘅agent買保險，一個18歲咩都唔識嘅人仔？可以講服吓我」、「笑死，錯字又多grammar又錯，仲要夾硬塞啲英文落去自曝其短，教育水平咁低，難怪要做保險」。
【其他文章】
馮盈盈Hermès珍藏值百萬最貴逾20萬一個 住2千萬豪宅封吸金女王
古天樂否認參與「娘家」TVB綜藝節目 親自解畫：即使真開節目都冇時間
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
