周星馳自2019年的《新喜劇之王》後，至今仍未有新戲上演，影迷重溫周星馳的舊作外，近日有網民貼出周星馳80年代主持兒童節目《430穿梭機》「星仔兄弟好介紹」的片段，引起網民熱議，更在片中發現有疑似智能電話出現？
【點擊即睇星爺當年好介紹】：
星爺主持《430穿梭機》的片段在網上再度引起網民討論。
你以為佢係一部玩具車。
其實佢係一個電話！
呢隻大嘴鳥，原來唔係玩具，都係一個電話！
呢隻大嘴鳥，原來唔係玩具，都係一個電話！
呢隻企鵝其實又係電話。
打開佢個身體就可以撳掣。
仲有唇膏電話。
龬琴電話就跟返黑白鍵撳掣。
最後一部好似平板電腦，又好似而家嘅智能電話！
星爺最初望到佢都一頭無緒。
原來拎起電話筒，觸控式鍵盤就會着燈。
輕輕撳掣就可以打電話，真係好似而家嘅手機。
星爺還在節目介紹過熨褲機。
熨褲機其實現時仍有人在使用，特別是洗衣店或商務旅館。
星爺亦介紹過任天堂遊戲機。
星爺亦介紹過任天堂遊戲機。
星爺仲介紹過相機。
星爺在80年代曾介紹即棄相機。
身為兒童節目主持，當然要介紹文具。
有可愛造型擦膠。
有電腦擦膠。
最重要有90年代小學生名物，變形筆盒！
星爺在《國產零零漆》有不少奇特產品。
你以為佢係電話，其實係一個鬚刨。
你以為佢係鬚刨，其實係一個風筒。
你以為佢係一個風筒，其實佢都係一個鬚刨。
《國產零零漆》最經典的，一定有聞西的「太陽能電筒」！
周星馳80年代與好友梁朝偉一同報讀無綫藝員訓練班，畢業不久即加入《430穿梭機》做主持，除了最受歡迎的「黑白殭屍」系列外，另一個節目環節「星仔兄弟好介紹」介紹新產品，也廣受小朋友喜愛。今次流傳的片段，是周星馳介紹不同造型的電話，有車、企鵝、鋼琴、唇膏及大嘴鳥等，而最後一個電話，數字鍵盤竟然是一片黑色，周星馳介紹謂：「一睇個樣就係人都知佢係一部電話啦，但係得個黑板喺度，又冇號碼嘅，到底點樣打電話呢？」
之後周星馳拿起電話筒說：「唔好眨眼，一攞起啲號碼就會顯示晒出嚟，呢款就係最新款嘅觸摸式電話，呢啲號碼唔駛用力撳，輕輕力撳個電話就可以感應到。」一見即令人想起現在的智能電話，網民更指該電話是「觸屏始祖」，亦有人想起《國產零零漆》片段，笑言：「其實係一個鬚刨嚟。」還表示：「原來《國產零零漆》嗰段嘢喺呢度諗出嚟嘅。」雖然周星馳一本正經介紹，但網民反而覺得片段好笑，大讚他當時已很有喜感。
於資訊較現代缺乏的80年代，周星馳主持的「星仔兄弟好介紹」令不少小朋友眼界大開，除了介紹過有趣造型電話外，亦曾介紹過電腦、中文文字處理器、相機等電子產品，還介紹過趣緻文具，包括電動擦膠，以及90年代小童名物，變形筆盒！
【其他閱讀】：
台女星46分鐘賣肉片流出！真空透視裝吸流量經理人稱：家境不好
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
