TVB日前公佈多個為台慶推出的節目，其中《霎時再感動》就找來多位藝人分享令他們感動的事情。日前播出一集鄭裕玲提起已故好拍檔沈殿霞，講述多年前在清水灣電視城綵排台慶時遇大雨的情況。
【點擊逐格睇鄭裕玲憶述肥姐有幾專業】：
鄭裕玲多次與沈殿霞合作做大騷司儀。
鄭裕玲分享令她感動的往事。
鄭裕玲某年在清水灣電視城，與沈殿霞一同為台慶綵排。
點知中途遇上大雨，成身都濕晒！
鄭裕玲本身想Call同事開車嚟接佢哋返一廠，但被沈殿霞阻止。
沈殿霞諗到用擺在一旁的黑色垃圾膠袋笠上身，既可以繼續綵排，又唔怕濕身！
鏡頭上睇二人就好似黑色毛毛蟲咁，令廠內的同事笑爆嘴。
沈殿霞為了不增加同事工作量，寧願笠垃圾膠袋，鄭裕玲都好佩服她的專業行為。
鄭裕玲又指十分感謝沈殿霞願意開口指導她，令她感到非常幸運。
鄭裕玲希望這一行可以有更多像沈殿霞專業，而且又肯教導新人的前輩。
沈殿霞為免增加工作人員工作量，寧願笠黑色垃圾膠袋上身都不想麻煩工作人員開車來接送她們。身為後輩的鄭裕玲都表示佩服：「肥姐拎起兩個（垃圾膠袋），話撕開中間，我哋套喺身上，只要見到樣就得，跟住繼續綵排。其實影到我哋兩個好似黑色大蟲，其他同事見到都大笑。」鄭裕玲因此在沈殿霞身上學識何謂專業：「我好多謝肥姐，佢係咁多年嚟，開口指導過我嘅人，所以我覺得自己係非常之幸運。而且目睹佢嗰次咁樣做事嘅態度，令到我獲益良多，咁樣嘅前輩，我覺得應該要有更多，等我哋年輕一輩可以學到呢種尊業精神。」
【其他文章】：
錢慧儀離婚疑似小三Ksenia B即反擊？分享自拍床上片向鏡頭放電
近年最高收視台慶劇頭5位！第2位被嘲冷門膠劇 第1位達43點
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
