TVB台慶劇《美麗戰場》今晚首播，劇中演員今日出席宣傳活動為首播造勢。女主角陳瀅因身處巴黎出席時裝周，今日缺席活動，但有拍片越洋為演員打氣，又在巴黎鐵塔下叫大家一定要收看劇集，並表示會盡快趕返香港。
陳瀅在巴黎拍片同演員打氣。
陳瀅話會早日返港幫手宣傳。
監製、導演、編劇葉念琛笑指今次由林盛斌做男一有少少驚，希望大家包容，劇集快拍快播，大家士氣好高，希望頒獎禮有收獲。劇組準備了蛋糕為昨日46歲生日的陳山聰慶生，其生日願望就是劇集收視創佳績。山聰坦言有了兒子之後，生日可以簡單度過，前日跟胡定欣一班好友慶祝，昨日正日留給家人，最緊要兩部台慶劇好收視，未知台慶頒獎禮有否提名，因人生首次有兩部台慶劇。
同山聰補祝生日。
山聰生日願望希望劇集有好成績。
山聰說生日正日留畀家人。
出聰又透露本周三才會出場，他和方力申都不太清楚對方的戲份，小方笑言因今次刻意很多飛紙仔，在壓力下會寫得更好。山聰則指自己只有兩場戲飛紙仔，葉念琛在現場有跟大家溝通，臨時有加亦有改。
問到山聰為台慶打頭陣，他覺得有壓力是好事，開心成為台慶頭炮，小方笑指山聰不只是頭炮，更是雙響炮，山聰對於連播兩部台慶劇，謙稱當然開心，久未有此類劇種希望觀眾鍾意。小方則說人生廿幾年來拍第三部劇，好想看自己演出。提到二人在劇集海報齊齊企「C」位，山聰笑言：「應該由右至左，阿BOB才是男一，呼之欲出，我同小方只是男三、男四，無所謂，咁開心，未試過同小方合作電視劇，對手戲不多，只得幾場但好有戲。」小方想多拍劇但要等機會，自爆經常自薦但都要看機會，最緊要監製有信心。
提到陳瀅缺席宣傳，小方大反應：「原來飛得！總之我都飛，連女主角都飛得，我一定無問題啦，想同屋企人去日本，又想去美國睇NBA季前賽。」
兩人都不太清楚對方戲份。
小方得知陳瀅去咗巴黎都好驚訝。
兩人對手戲唔多但好有戲味。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
