由《寒戰》系列編劇吳煒倫執導的首部電影《毒舌大狀》已進入最後拍攝階段，預計2023年與觀眾見面。剛完成50場舞台劇演出，兼帶着《飯戲攻心》票房大收5650萬，進駐港產片票房第10位， 好High的黃子華，聯同戲裏戲外皆是好兄弟的林保怡，昨晚（5/10）去到旺角麥花臣球場為《毒舌大狀》取景拍攝。
子華同保怡尋晚喺旺角拍外景。
子華好多嘢發表。
踼波嘅朋友唔知有無發現子華喺度呢?
子華鼻窿塞住紙巾。
坐到無晒腰骨咁。
唔知咩事咁灰呢?
影返張靚仔相先。
個場好靜。
子華在戲中飾演鐵嘴毒舌，攣都可以拗返直，憑其雄辯滔滔的口才，挑戰有財有勢的權貴，將對方駁斥至體無完膚。不過尋晚子華神的造型，卻一反之前招積寸嘴周身名牌的大狀形像，變成情緒低落，憂心忡忡的樣子，他坐在球場觀眾席，與林保怡把酒訴心事，衣衫不整亦懶得整理，其鼻㝫更塞着紙巾，面帶瘀傷，與保怡邊看足球比賽邊聊天。雖然造型憔悴，但都掩蓋不住子華神的魅力，球場上奮勇作戰的球員也不時倫偷望向觀眾席。鏡頭外子華同林保怡好好傾，見前者傾到郁晒手，心情相當好。
鏡頭外兩個好好傾。
子華傾到郁晒手。
導演講解拍攝工作。
尋晚涼涼哋拍戲應該幾舒服。
子華叉晒腰係咪培養緊情緒?
仲伸埋脷。
咁樣望個觀眾席都幾靚。
下年有得睇。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
