Previous Next

劇集《美麗戰場》播出四集已被瘋狂討論，除了女主角陳瀅人氣高企外，更令奸到出汁的「反骨琪」蔣家旻成功彈出，身兼監製、導演及編劇的葉念琛見到網上洗版式討論當然鼓舞，坦承比預期反應好，更率先向《星島頭條》預告下周劇情，以及角色未來發展。採訪：杜杜

劇集令陳瀅、劉佩玥和陳曉華三個女主角人氣急升。
劇集令陳瀅、劉佩玥和陳曉華三個女主角人氣急升。
不過最有話題性，肯定是蔣家旻演的「琪琪」。
不過最有話題性，肯定是蔣家旻演的「琪琪」。

葉導笑言早已講明劇情相當「狗血」，所以預了觀眾反應大，但冇想過會有現在咁勁，「好耐冇TVB劇會有洗版式嘅討論，好似第二集個精華片段放喺官網幾日，已經有44萬點擊，一個post都有400、500個留言，我都嚇一驚。」當中葉導最估唔到有兩幕戲觀眾的討論度會咁高，「第一集，『阿寶』（陳瀅）喺小巴聽到哥哥張國榮嘅死訊，估唔到香港同內地都有咁多迴響，好多人都話睇到好感動，證明好多人仲好掛住哥哥。另一幕係第三集，『琪琪』（蔣家旻）俾『靜兒』（劉佩玥）阿哥摑完再俾阿媽（楊卓娜）摑，好多人都話大快人心，我仲見到有人話睇到拍手掌，呢個真係比預期大好多。」

「阿寶」坐小巴時，聽到偶像哥哥死訊。
「阿寶」坐小巴時，聽到偶像哥哥死訊。
「琪琪」畀強哥摑先。
「琪琪」畀強哥摑先。
再畀阿媽「芳姨」打，真係大快人心。
再畀阿媽「芳姨」打，真係大快人心。

「賤精三人組」唔會就咁滿足
講到蔣家旻憑「反骨琪」成功彈出，葉導雖然不意外，早前接受本報訪問時已率先預測到，但他承認沒想過咁快，「蔣家旻佢彈起係比我預期速度仲快，3集大家就咁憎佢，但大家要先留意今晚嗰集，佢會更加冇人性。『琪琪』之後都會不斷搞事，今晚同下星期一嗰集絕對唔可以錯過。」葉導更向《星島頭條》爆料，預告「反骨琪」之後發展，因為她會跟「阿寶」一齊參加選美加入娛樂圈，「嚟緊佢會更加激，更加離譜，佢係唔會就咁收手，之後會仲勁，因為𠵱家只係屋企嘢，嚟緊嘅利益更加大。」他更封蔣家旻、楊卓娜和吳家樂三個演的角色為「賤精三人組」，「佢哋呢三個人唔會就咁滿足，之後發展佢哋會愈嚟愈乞人憎。」

「琪琪」做的衰嘢都唔少，屈「阿寶」做援交妹。
「琪琪」做的衰嘢都唔少，屈「阿寶」做援交妹。
「琪琪」衰到偷「靜兒」阿媽遺物，仲要屈返人轉頭。
「琪琪」衰到偷「靜兒」阿媽遺物，仲要屈返人轉頭。
「琪琪」又搞到咸濕「馬Sir」家破人亡。
「琪琪」又搞到咸濕「馬Sir」家破人亡。
「阿寶」為還債，決定入娛樂圈參加香港小姐。
「阿寶」為還債，決定入娛樂圈參加香港小姐。
阿寶參加港姐面試，即時成為大熱。
阿寶參加港姐面試，即時成為大熱。
估唔到「琪琪」都有參加港姐面試，仲坐住名車到場。
估唔到「琪琪」都有參加港姐面試，仲坐住名車到場。
蔣家旻同楊卓娜被網民邊鬧邊讚，令葉導都覺得興奮。
蔣家旻同楊卓娜被網民邊鬧邊讚，令葉導都覺得興奮。
除了「琪琪」和後母「芳姨」外，葉導笑言加埋吳家樂就成為該劇「賤精三人組」。
除了「琪琪」和後母「芳姨」外，葉導笑言加埋吳家樂就成為該劇「賤精三人組」。

陳瀅劉佩玥陳曉華反面
葉導再爆該劇下周精彩劇情，「下星期會去咗另一個時空，陳瀅、劉佩玥同陳曉華三姐妹會反面，可以預告少少劉佩玥會做咗雜誌記者、狗仔隊，而陳瀅就加入咗娛樂圈，大家估到佢哋應該會有衝突啦！今個星期嘅狗血位會喺家庭，之後戰場會轉到娛樂圈，最後會去到豪門，所以牽涉嘅嘢會更多，會有更多人物出現。」他又叫觀眾記住留意兩個人，「嚟緊要留意李成昌同陳山聰，佢哋兩個都係好重要嘅人物。」他又好肯定咁預測，飾演陳曉華「小美」男友的丁子朗，會成為下個網民熱烈討論角色，「丁子朗啲戲再出街，應該會成為觀眾另一個追擊對象，佢會好乞人憎，大家要留意。」

阿寶、靜兒同小美三個好姐妹，入到社會工作會愈行愈遠。
阿寶、靜兒同小美三個好姐妹，入到社會工作會愈行愈遠。
「阿寶」同「靜兒」一個做藝人，一個變記者，自然有衝突。
「阿寶」同「靜兒」一個做藝人，一個變記者，自然有衝突。
靜兒和小美開始不和，最後更反面收場。
靜兒和小美開始不和，最後更反面收場。
陳山聰飾演金牌經理人「王一言」，葉導叫大家記得留意。
陳山聰飾演金牌經理人「王一言」，葉導叫大家記得留意。
李成昌演的社團大哥「威爺」，同樣是之後劇情關鍵人物。
李成昌演的社團大哥「威爺」，同樣是之後劇情關鍵人物。
葉導預測，演「渣男」的丁子朗會成為網民下個追擊對象。
葉導預測，演「渣男」的丁子朗會成為網民下個追擊對象。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ