姚焯菲（Chantel）今日到荃灣出席商場騷，獲過百小菲象（粉絲暱稱）到場支持，姚焯菲表示很喜歡出席這類型活動，因為可以跟粉絲作近距離接觸，問她是否想舉行個人騷，她表示：「想，但必需先練好歌。」而她亦自爆正籌備與聲夢學員一起舉行音樂會。姚焯菲被問及早前與一班聲夢學員一起出席國慶文藝晚會，當晚他們由張寶兒（Bowie）安排所穿的服裝被網民批評「老咗10歲」，姚焯菲力撐張寶兒，認為對方做得很好：「我覺得好靚，大家都好靚，（會唔會覺得套衫好成熟？）冇咁諗。」姚焯菲認為每個人的觀點也不同，所以對其他人意見也不需要太介意，不過若有機會也會慰問張寶兒姐姐，但日後仍會找對方幫忙。姚焯菲指平日穿衣服時亦沒有特定的風格，她指和媽媽也喜歡時裝 ，平常亦會一起行街買衫，自己更會拿媽媽的衣服和飾物穿戴。
【相關閱讀】：國慶晚會丨炎明熹著Tube dress成熟氣質煥然一新 暗示After Class有新作
【點擊睇姚焯菲等人出席活動照】：
同場的王灝兒 （JW）在活動上演唱時，high到落台與現場fans玩自拍。JW指這活動因疫情一直延期，現在終於能舉行所以覺得很開心。近期一直有追劇的JW，大讚好友陳瀅於《美麗戰場》中的表現，更指陳瀅是自己心目中的視后。
JW男友葉韋彤及其家人，早前被一間財資管理服務公司入稟高等法院申請破產，JW被問及此事時，她表示很多謝大家關心，但因這事是男友家中的事情，所以她不方便回應，問到男友心情如何？JW說：「OK嘅，有我喺度，我係開心果。（點安慰佢？）我哋所有嘢照常咁，我好出力工作，大家互相支持，呢樣野係一路keep住。（感情有冇受影響？）唔會嘅，我哋咁多年一直互相支持，大家有啲咩事都喺大家身邊，唔需要講咁多，行動最實際！」至於是否會因此影響兩人的婚期？JW說：「咁多年我都係答唔想結婚住，我想事業行先，依家又要出歌又要拍劇，所以繼續衝下先。（有冇限期？）冇，而家咁先進，遲啲生BB都冇所謂。」提到4年後可以解除破產令，她說：「我真係冇諗呢啲嘢，我而家真係想我事業點樣可以好啲，我嚟緊好多嘢想做，我覺得自己而家好唔夠時間畀自己用，結唔結婚個感情都一樣，反而係因為生BB，但而家又疫情⋯⋯遲啲先啦！」
【其他文章】：
JW富貴男友遭入稟申請破產 卓悅發聲明澄清：勿以「卓悅太子爺」形容
逾12億身家卓悅太子爺家族被入稟申請破產 與JW戀得高調認定為終身伴侶
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
