林子祥（阿Lam）本於今年3月尾舉行演唱會，但因疫情無奈延期至年底舉行，有指今次是阿Lam最後一次開騷，當事人受訪時就否認，但直言開完今次演唱會，未知何時可以再開騷。
阿Lam將於12月26日Boxing Day假亞洲博覽館舉行一場「開心演唱會」香港站，他澄清今次只是他的巡迴演唱會終點站，絕對不是最後一次。對於日後開騷，阿Lam表示要看疫情，而他亦希望再舉行時能為演唱會注入新元素：「我乜都做過晒，又做過舞台劇、音樂劇，想諗啲新嘢，例如網上演唱會，未必一定去紅館，我80年代做到而家。」
至於戶外騷，阿Lam指若有機會也會考慮，他又提到早前到內地做《我們的歌》和《聲生不息》節目，給了他很多新靈感，同時亦令他多了上億聽眾：「好多後生未聽過我同莎莉嘅歌，佢哋第一次聽嘅反應，令我好開心，覺得佢哋尊敬我哋大年紀嘅人。」而他又謂能與年輕歌手合作，是一種新感覺，問到會否請來曾合作的炎明熹及曾比特擔任嘉賓？他說：「如果佢哋喺香港，肯同我唱都會有得諗。」至於葉蒨文（莎莉）到時會否上台，阿Lam說：「佢多數都係聽完前面，然後最尾唱一唱。」
剛於本月75歲生日的阿Lam，笑言食蛋糕食到怕，所以他要求慶祝的時候，是否能有一餐沒有蛋糕，豈料他們卻找雪糕來代替，至於生日願望，阿Lam希望世界和平：「而家好似乜嘢都亂晒籠，睇新聞時好唔開心，睇親嘅都唔係幾好，希望唔好有咁多爭執發生。」提到阿Lam被莎莉傳染搞到確診新冠肺炎，阿Lam笑指莎莉一向小心，更經常提醒他要注意衛生：「點知原來佢中咗先，（康復快？）快，本身打咗2針，做完《聲生不息》仲有機會打國藥，可能因為咁幫我哋嘅康復快好多。」阿Lam指確診後除了微燒外便沒有不舒服，更打趣笑指希望不會影響他記歌詞。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
