獨家｜《美麗戰場》結局篇劇情大逆轉　葉念琛洩「阿寶」變過街老鼠陳瀅演技爆Seed
Previous Next

《美麗戰場》來到結局篇，《星島頭條》當然唔放過靈魂人物葉念琛。葉導一開波講明會「口緊」，怕太早劇透觀眾睇得唔夠過癮，但都滲少少劇情。 如「阿寶」會全面黑化，搞到眾叛親離，又預告林盛斌同劉佩玥這對會有感動位令關係升級，以及朱晨麗和何依婷會輪流被揭開真面目。採訪：杜杜

健談的葉導，講到結局篇劇情，為了觀眾睇得過癮都好忍口。
健談的葉導，講到結局篇劇情，為了觀眾睇得過癮都好忍口。
陳瀅訪問時已劇透，結局會只得一隻狗陪伴，相當慘情。
陳瀅訪問時已劇透，結局會只得一隻狗陪伴，相當慘情。
葉導認為最初情節令「阿寶」未夠突出，變相令人忽略了陳瀅演技。
葉導認為最初情節令「阿寶」未夠突出，變相令人忽略了陳瀅演技。
「阿寶」的非一般經歷，令她續步成魔。
「阿寶」的非一般經歷，令她續步成魔。

葉導對於劇集得到廣泛討論表現興奮，來到結局篇討論更加激烈，「網上好多結局嘅版本同埋劇透，我只可以講好多TVB內部嘅人睇過，呢五集就好似過山車一樣，好多嘢會大逆轉，好似朱晨麗同埋何依婷個真面目大家都未睇到，好多人嘅底牌，觀眾都未知。」講到幾個惡人的下場，葉導只透露該劇講因果同報應，相信「反骨琪」和「阿進」都會惡人有惡報。

朱晨麗演的富家女「唐昕」，暫時只是「宇少」的好友。
朱晨麗演的富家女「唐昕」，暫時只是「宇少」的好友。
演「宇少」妹妹的「龐子珊」的何依婷，暫時都只是個乖乖女。
演「宇少」妹妹的「龐子珊」的何依婷，暫時都只是個乖乖女。
「反骨琪」會否回歸，亦成為結局篇焦點。
「反骨琪」會否回歸，亦成為結局篇焦點。
結局篇「阿進」會再度現身搵「小美」。
結局篇「阿進」會再度現身搵「小美」。

劉佩玥預告露玄機
陳瀅接受《頭條日報》訪問時，曾劇透「阿寶」身邊只淨返一隻狗陪伴，葉導承認「阿寶」最後會眾叛親離，「其實預告度劉佩玥對『阿寶』講嗰句好啱，『你以為得到所有嘢，其實係失去所有嘢』，大家成日話陳瀅個角色同演技都好弱，但係等到最後呢五集，『阿寶』所有嘢為自己後，佢會真正黑化，失去晒所有友情、愛情，呢個係佢選擇嚟。」

結局篇「阿寶」正式進入黑化階段，眾叛親離。
結局篇「阿寶」正式進入黑化階段，眾叛親離。
在預告中「靜兒」對「阿寶」講，「你以為得到所有嘢，其實係失去所有嘢。」
在預告中「靜兒」對「阿寶」講，「你以為得到所有嘢，其實係失去所有嘢。」
「阿寶」跟經理人「一言Sir」關係，同樣會大逆轉。
「阿寶」跟經理人「一言Sir」關係，同樣會大逆轉。

葉導又再解構「阿寶」角色，指她是個深藏不露的女仔，其實比起「反骨琪」更加陰險，「佢其實一直都係個好計算嘅人，只不過佢咩都收埋嚟做，你睇佢要脅麥秋成演嘅『趙生』就知，佢唔係大家想像中咁簡單，最後呢五集嘅劇情，大家會睇到佢有毛有翼，自己有能力後佢嘅真面目先會出現，真正嘅『鍾家寶』先至成形。」

黑化了的「阿寶」，亦是陳瀅發揮演技好機會。
黑化了的「阿寶」，亦是陳瀅發揮演技好機會。
「阿寶」同「宇少」的關係，由最初甜蜜而起變化。
「阿寶」同「宇少」的關係，由最初甜蜜而起變化。
「宇少」會搭上青梅竹馬的「唐昕」。
「宇少」會搭上青梅竹馬的「唐昕」。

有信心迎戰《季前賽》
對於觀眾好鍾意林盛斌（Bob）同劉佩玥（Moon）這一對，葉導就透露，「𠵱家講到2022年見到佢哋兩個係情侶關係，純係上司同下屬，但嚟緊Bob會為女方做啲超感動嘅嘢，其實之前預告見到佢哋兩個會攬埋一齊，到底 Bob做咗啲咩令Moon咁感動呢？呢五集就一定要留意。」

「徐富貴」和「靜兒」這對好受觀眾歡迎。
「徐富貴」和「靜兒」這對好受觀眾歡迎。
究竟「徐富貴」做咗咩，令「靜兒」感動到即刻攬住佢呢？
究竟「徐富貴」做咗咩，令「靜兒」感動到即刻攬住佢呢？

葉導又開心透露該劇播出以來，每周收視都穩步上升，原來上周已突破20點收視，對於本周將迎戰ViuTV的《季前賽》，他仍對《美》劇有信心，「睇一個劇唔代表唔可以睇埋另一套，大家想睇總會睇到，因為可以任何時間重溫，大結局嘅內容已經係最猛火力落重料，要睇觀眾嘅選擇，況且每個劇𠵱家唔係得一個對手，要鬥係同全部娛樂去鬥。」

比起收視，葉導最開心令到觀眾留意幾位女主角，他覺得已完成任務。
比起收視，葉導最開心令到觀眾留意幾位女主角，他覺得已完成任務。
葉導打算約一班演員大結局後開直播，同網民一齊分享感受。
葉導打算約一班演員大結局後開直播，同網民一齊分享感受。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ