獨家丨丁子朗用真身同網民一齊鬧「渣男進」 向葉念琛自薦做男版「阿寶」
Previous Next

一向形象健康兼演開乖乖仔的丁子朗，在《美麗戰場》首度演繹極品渣男「阿進」，最初丁丁都冇自信演到，但後來已接受，面對網上負評更由唔開心變齊齊鬧。演完渣男自信大增的他，更直言要向葉念琛自薦做男版「阿寶」。採訪：杜杜 攝影：羅安強

丁丁由最初擔心演「渣男進」，到後來跟網友齊齊鬧，覺得好過癮。
丁丁由最初擔心演「渣男進」，到後來跟網友齊齊鬧，覺得好過癮。
丁丁冇信心接演「渣男進」，原來要葉念琛花足六個鐘來說服。
丁丁冇信心接演「渣男進」，原來要葉念琛花足六個鐘來說服。

因為丁子朗無信心演得好「渣男進」，葉念琛同佢由黃昏6點傾到凌晨12點，出盡力去說服，到現在他聽到有人叫渣男竟然好興奮，「渣男成為我代名詞，我係渣男，哈哈！」丁丁多謝觀眾投入角色，不過承認最初睇到網民留言鬧佢唔開心，但之後用真身鬧埋一份，「又話我油膩，又話我係『普信男』，即係咁普通但好有自信，點會追到陳曉華，但睇得多又覺得幾好睇幾好笑，𠵱家上咗癮係咁睇留言，仲會用自己account覆，仲幫手鬧埋一份，令到我同網民嘅關係拉近咗，好開心。」

丁丁演「渣男進」前，原來葉導有給他一個原型人物參考，但他不肯透露是誰，叫大家估吓。
丁丁演「渣男進」前，原來葉導有給他一個原型人物參考，但他不肯透露是誰，叫大家估吓。
丁丁表示演「渣男進」最難就是要講「我咁靚仔唔溝女嘥晒」這類對白。
丁丁表示演「渣男進」最難就是要講「我咁靚仔唔溝女嘥晒」這類對白。
丁丁演的極品渣男「阿進」，連他自己都覺得衰到無人有。
丁丁演的極品渣男「阿進」，連他自己都覺得衰到無人有。

好驚打傷陳曉華耳仔

講到虐打陳曉華，丁丁坦承相當難演，最怕整傷對方，「Hera塊面真係異常地細，我對手係可以包晒佢成個人頭，好驚一摑就會打中佢耳仔，對耳膜有影響，辛苦晒陳曉華，爭佢好多餐飯。」丁丁劇透再遇「小美」一幕其實更難演，「我會以全新形象返嚟，再做一啲更不堪嘅事，係一個大反轉，嗰場都好大壓力，又係驚整親佢，會有少少動作場面，要瞓喺條路難控制啲，大家值得期待。」

陳曉華塊面超細，令丁丁好擔心會打傷對方耳膜。
陳曉華塊面超細，令丁丁好擔心會打傷對方耳膜。
丁丁拍時都好心痛陳曉華，幸好大家夠熟合作得更順利。
丁丁拍時都好心痛陳曉華，幸好大家夠熟合作得更順利。

 

丁丁劇透「渣男進」回歸，仲會對「小美」不利，有傳令對方慘死。
丁丁劇透「渣男進」回歸，仲會對「小美」不利，有傳令對方慘死。

丁丁直言演完「渣男」已冇有怕，更有信心挑戰更多不同角色，特別恨演「鍾家寶」這類轉變極大的角色，「等我問吓導演開唔開男版『阿寶』，我自薦做！」角色成功彈出，丁丁有信心再獲提名「飛躍進步男藝員」，「今年唔係演技上嘅飛躍，係角色上嘅飛躍，試咗唔同嘅新嘢，年頭有《青春不要臉》，對我係好大挑戰，做戲嚟講好大轉捩點，加上《美麗戰場》嘅渣男，如果提名多次『飛躍』都有信心嘅。」

丁丁笑言要向葉念琛自薦，演男版「阿寶」。
丁丁笑言要向葉念琛自薦，演男版「阿寶」。
丁丁鍾意「阿寶」角色變化夠大，好想挑戰。
丁丁鍾意「阿寶」角色變化夠大，好想挑戰。

 

丁丁認為今年除了《美》劇，還有《青春不要臉》的角色都是新挑戰。
丁丁認為今年除了《美》劇，還有《青春不要臉》的角色都是新挑戰。
2021年，丁丁跟羅天宇齊奪「飛躍進步男藝員」。
2021年，丁丁跟羅天宇齊奪「飛躍進步男藝員」。

 

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ