天文台今早(2日)表示，考慮在正午12時至下午2時之間發出八號熱帶氣旋警告信號，引起不少打工仔不滿，並在網上批評天文台。不過，有港媽則在網上發文支持天文台，並舉出兩個例子，直斥批評者本末倒置。
該名港媽在親子王國以「批評天文台的人真係本末倒置」為題發文，指看到很多人批評天文台並對天文台冷嘲熱諷，但認為是否改掛8號風球有科學標準，「乜唔係怪個風行得太慢？如果行快啲就可以在9號點前掛8號，或者可以怪個風行得太快，如果行慢啲就可以在明天上班前前掛8號」。她又舉例指，「你債主向法庭申請你破產，由郵差派掛號信給你，你怪郵差定債主？」，並指「你個仔靜雞雞開咗你架車出去，醉酒駕駛炒車入醫院，由警方通知你，你怪個仔定警方？」
相關新聞：
尼格風球｜8號西北信號50年來11月首發 至少維持至今晚6時：https://bit.ly/3Uiofco
尼格風球｜港鐵加密班次城巴新巴加強服務 新渡輪下午2時起停航【持續更新】：https://bit.ly/3ftYebh
尼格風球｜大環山泳客如常游早水海面平靜風浪不大：https://bit.ly/3U9Ao3q
尼格風球｜打工仔轟天文台未掛8號波憂中午放工潮人多生意外：https://bit.ly/3fobzSv
尼格風球｜各項公共服務最新安排【持續更新】：https://bit.ly/3FydQFi
相關帖文獲得不少網民留言表示認同，並指「同意呀！雖然我今早要返工」、「好多人都會冇事搵事嚟講」、「你估刁民係浪得虛名㗎咩」、「一班心理唔正常的人，有無諗過社會要正常運作㗎」、「係囉，唔係覺得天文台可以控制到個天咁犀利？」、「同意呀，個風未到，唔通為你返工就早啲掛咩。今朝又見到呢啲人，真係非常討厭」等。
另有人則稱讚教育局今早宣布所有學校停課的決定，並指「今次教育局彈性處理三號波都宣佈全部停課，正確決定」、「教育局今次做得好」等。另外，有網民則批評政府部門的配合不合理，並指「政府部門間配合就真係唔太合理，學校停課，日間幼兒中心同老人中心，就新聞公佈話唔好帶家人去，對於雙職、冇工人支援嘅家庭，確實係難題」。
帖文來源：親子王國
