因為受之前MIRROR演唱會意外休團事件影響，《神之拉闊 鄭欣宜x 盧瀚霆》音樂會改期至昨晚於亞洲博覽館舉行，兩位主角鄭欣宜及「教主」盧瀚霆(AL)勁歌熱舞演出令全場high爆。活動於晚上9時15分大功告成，可是完騒後傳媒等了30分鐘，最終只有鄭欣宜一個人步出後台接受訪問，欣宜交代盧瀚霆因為胃痛不適，所以由她一人受訪。另方面，有粉絲在完show守候AL時，拍到AL被幾位工作人員攙扶着離開現場，AL狀甚辛苦，如同虛脫，雙腳要拖住行。經理人花姐證實他胃抽筋頂唔順，要馬上回家休息。
抱病演出嘅阿Lo，仍載歌載舞夠晒專業。
台下歡呼聲係最佳止痛良藥。
阿Lo喺舞台上全程投入。
教主係演唱會意外事故後，首位回歸舞台嘅MIRROR成員。
未有現身的經理人花姐則透過訊息交代阿Lo不適狀況：「唔好意思，冇親自出嚟交代阿Lo因為唔舒服，出唔到嚟做訪問嘅事情，因為阿Lo表演完落台就胃抽筋，病得好辛苦，要由急救員幫手抬佢入房。本來佢都想出嚟做媒體訪問，但休息咗好耐都係頂唔順，所以由我送佢返屋企先，我啱啱已送咗佢返屋企休息喇，睇吓佢聽日情況係點囉。」
阿Lo騷後胃抽筋，
AL被幾位工作人員攙扶着離開。
見他痛到行得好辛苦。
梁泰來撐教主唔會迴避敏感問題
至於商台DJ梁泰來(Terry)就為阿Lo發聲，強調他不是有心迴避敏感問題。他在IG留言說：「今次《神之拉闊》完騷後當然想跟兩主角來張大合照，奈何教主身體不適，就連記者訪問也做不到。不過，目擊教主情況，真的替他難過，亦感受他的拼勁和專業。」
最後只係由欣宜做記者訪問。
梁泰來撐教主指他唔會迴避敏感問題。
他指阿Lo下午Rehearsal已開始不適：「花姐已跟我說教主胃痛及好唔舒服，之後他挺著僅餘嘅氣力、拼勁撐到完騷，台上他的笑容，我想背後是強忍著身體不適，一落台更像虛脫似的，他本來還想休息一下回個精神面對傳媒，但始終身體更重要，想在此替他說句公道說話，他從沒想過迴避騷後的訪問環節@ansonlht夠堅佩服。」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
