4年一度的球壇盛事終於上演，今屆賽事主要在香港時間傍晚6時至凌晨3時開賽。為隆重其事，本港多間酒吧均掛上各國國旗，又添置投影機和電視等，做好準備迎接球迷。有球迷一早到酒吧等睇波，豪言「洗幾多都無所謂」，另有人專程帶女友到場睇比賽，順道慶祝生日。
市民王先生指今日是女朋友的生日，加上是世界盃開鑼日，於是提早一星期前訂座，希望可以「霸到靚位」睇波兼慶祝，「氣氛都OK呀，專登出嚟睇波，今晚都唔會太夜，就當雙重慶祝」。
有酒吧掛上各國國旗。盧江球攝
有球迷專程到酒吧邊飲酒邊睇波。盧江球攝
有球迷一早到酒吧等睇波。盧江球攝
有球迷一早到酒吧等睇波。盧江球攝
香港酒吧業協會主席錢雋永表示，世界盃對酒吧業是一大賣點，今屆世界盃氣氛濃厚，賽事舉行時間正值酒吧的營業「黃金時間」，能夠帶動假日前夕的早段消費，加上政府早前解除酒吧營業限制，令酒吧可以營業至清晨6時，相信期間生意額可增加三成，回復疫情前的水平。
他又指，在政府放寬酒吧的防疫政策前，協會內約400間會員酒吧當中，不足100間酒吧有洽談賽事播映權，目前已增至超過100間，預計整個酒吧行業，共有200至300間店舖有購買播映權。
薛先生指今屆世界盃的氣氛未及上一屆。
不過，太子區一酒吧負責人薛先生卻認為，政府雖解除酒吧營業限制，但對其生意額幫助不大，「咁始終都有電視台播免費賽事，加上疫情措施未放鬆，就算解除營業時間，好多實質嘅都未做到，好多人未必有信心飲酒睇波」。
他又指，今明兩天並沒有太多人訂枱睇波，情況不算樂觀，估計大家已經改變消費及睇波模式，「可能第一場係卡塔爾啦，聽日又要返工，始終唔係周末，氣氛無上一屆咁厲害，聽日雖然有英格蘭，有客訂枱但都唔係話好多人」。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
