西班牙係團隊發揮得最好的球隊，冠軍之選。AP

前晚在YouTube《猜波台》的《實況好波》作了第一次世界盃賽事的足球評述，真的感到非常榮幸，又咁啱在節目中貼中英格蘭的同場過關，實在非常值得紀念，場波共入八球亦非常精采。

喺節目中，我用咗唔少理論，同時能套用在足球同賽馬之中，希望讓馬迷多一分親切感。例如，溫度同場地嘅影響，今屆在冬天舉行，氣溫唔熱，比以往夏天舉行的世界盃，郁啲三四十度，非常涼快，有利歐洲隊發揮。尤其是英超、德甲的球員，易出現節奏快的場合，將同其他弱國水平拉得更闊。球場草地非常靚，個波唔會彈下彈下，就會非常有利傳球速度快的球隊。在賽馬之中，慢步速易爆冷，快步速就係跑晒你睇鬥實力，預計今屆主守弱隊無運行。

西班牙在上年歐國盃賽事中，係團隊發揮得最好的球隊，傳球速度最快，踢出的水平同默契，遠超正常國家隊賽事，冠軍之選。對住哥斯達黎加，大勝去奠下出綫基礎。馬高

立即下載 | 全新《星島頭條》APP : https://bit.ly/3yLrgYZ