有飽受樓上亂拋垃圾影響的屯門大興邨興平樓居民，近日上載窗外晾衣架有衛生巾搖盪的畫面作血淚控訴。一雙翅膀黏在晾衣架搖呀搖，網民驚訝的不是樓上「送你一對翼」，而是「塊巾平衡力很棒」、「仲未跌落街」，並有人浪漫地形容為「姨媽巾風鈴」。
事件同時激發網民創作力，以神來之筆為黎明的《夏日傾情》改歌詞：「是你嗎？手執M巾的一個，你我來回沿路看，以花生殼替代說話」。
現場情況及網民回應請點擊組圖瀏覽：
網民投訴樓上亂拋衛生巾。網上截圖
大興邨興平樓。資料圖片
有網民呻「樓上有成日倒水嘅習慣」。網上截圖
有網民浪漫地形容為「姨媽巾風鈴」。網上截圖
網友直指「呢D理由想調新樓，一定唔會批囉」。網上截圖
創意網友將《夏日傾情》歌詞改成「是你嗎？手執M巾的一個......」。網上截圖
百般無奈的樓主自述，「住係大興邨興平樓，樓上經常高空擲物，不止一次有使用過嘅衛生巾，今次好D無血，飯盒及花生殼等經常出現，多次向房屋署投訴回覆沒有辦法捉到，樓上經常於晚上及深夜時間高空擲物，申請調遷亦未能成功。」樓主接著反問「其實掉返D垃圾去垃圾桶好難咩？有無諗過平台成日都有老鼠曱甴出現，其實老鼠曱甴識爬上去，到時受害咪又係我呢啲低層戶」。
回應的網民身同感受，各自訴苦，「樓上有成日倒水嘅習慣」、「屋企晾衫架已經鋪了一張防水布，但每日防水布嘅表面會收到上層冇公德心嘅住客垃圾，包括有避孕套，裏面仲有餡，血淋淋衛生巾，垃圾，食剩嘅飯餸，煙頭，紙巾，類似等等物品講得出都有，有投訴有管理員上屋企影相，但係永遠都捉唔到垃圾蟲」、
另有回應的公屋居民呻「同一個情況，確實房屋署唔會咁易俾你調遷我都試過」、「呢D理由想調新樓，一定唔會批囉」。
帖文來源：屯門友
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
