蕭正楠與胡定欣到昂坪為《福佑香江同心邁向2023》擔任表演嘉賓，同場更有呂方、谷婭溦、黃洛妍等，TVB總經理曾志偉與陳展鵬夫婦等也現身支持。定欣表示能在大佛唱歌迎新一年很有福氣，而阿蕭笑言首次到訪大佛，問太太翠如未帶他來過，他笑問到大佛可以做甚麼，被定欣取笑可「守齋戒」，他聞言說：「我已經好純啦！」阿蕭笑指今晚天寒地凍，太太翠如為他做了2022年第一件暖心事：「件衫啲鈕本色有啲核突，結果翠如幫我換晒所有鈕，你哋睇，唔甩架！（22年最後一日先做好事？）係呀，我後日開騷，所以不可以咁快用完，她是好太太！」
【點擊睇活動精彩畫面】：
問到翠如是否為演唱會助陣？阿蕭笑指太太每日在家中練歌，「Ohi-Ohi」好似在唱《天黑黑》，又笑說：「到時可以合唱又可以獨唱，總之是在安歌時唱，伊館超時貴呀！她可以送走觀眾好快清場，啲觀眾未走晒，再唱！」問定欣可有獲邀睇騷？她笑言沒有更瞪阿蕭，阿蕭稱門票早已賣完，笑言可以安排「山頂位」給定欣，定欣聞言說：「咁唔去啦，嗰日有事，哈哈！」阿蕭表示沒法加場，但若Part1做得好可以有Part2，屆時想請定欣助陣。問定欣來年也想朝唱歌發展？她說：「倒數唱歌是好兆頭，想2023可以實現，近幾年都有練唱歌，但覺得自己未夠好，希望開關後可以多做騷，已經好餓好癢，邊度有得唱都去，講到林盛斌稱有醫生可介紹，定欣表示沒聽到他提及，但最好的是可以等待。
擔任表演嘉賓的呂方獻唱了《從未如此深愛過》及《每段路》，他在開騷前受訪，希望新一年疫情遠去，各行各業重新興旺，更主動談及其2歲多的女兒，希望寶貝女快高長大。呂方指女兒是「疫情寶寶」就讀學前班，笑言最享受是每暐管接送：「好享受每日接送返學放學，女兒容易不習慣，放假1、2天便會不想返學而喊，特別是這段時間，有同學中招便停課幾日。」呂方指這兩年疫情而被留在家中，但也感恩能與家人拉近距離，因很難安排減少工作，而3月將舉行演唱會的他，希望之後能到外地開騷，包括美加、內地等，笑說：「疫情過後，女兒又長大些，我便可以放心去工作。（會唱兒歌畀女兒聽？）她唱兒歌比我叻，相信是有遺傳、有天份，不過聽我的歌沒反應，聽到Bruno Mars便很好動，可能不喜歡慢歌。」
【其他文章】：
前TVB主播陳嘉倩短裙黑絲美腿送別2022 搵幸運兒送禮網民望真人上門表誠意
2022年25名猛將離巢TVB 鄭裕玲等多人改投HOY TV 「御用醫生」做返老本行
2022回顧｜19位名人藝人逝世 TVB資深演員瞞病情猝逝令人疼心 曾江酒店倒斃震驚全港
