馬國明與湯洛雯拍拖2年多一直愛得甜蜜，兩人亦多次傳出婚訊，但馬明只稱仍然未落實婚期，只表示在2023年計劃迎娶湯洛雯並已有共識旅行結婚！踏入2023年，終於傳出喜訊，馬國明在社交平台貼上一對獨角獸的公仔，在代表湯洛雯的獨角獸頭頂戴有一隻戒指，馬明只簡單貼上戒指和心心的圖案，並留言：「#forever」，靚湯同樣在IG貼相兼報喜：「2023 1.1 13:14 #1plus1 #forever #engaged」一對準新人今日接受《星島頭條》的訪問，對於大家的祝福，兩人當然十分感謝，湯洛雯還說：「因為其實好多嘢我哋都未定，所以都係宣佈咗先啦，其他內容細節我哋都唔講啦，想留返少少秘密留念。」
其後馬國明再接受《星島頭條》電話訪問：「之前講過計劃2023年結婚，求婚過程好簡單，開開心心，日日都兩個人，唔會大班人，最多加多兩隻貓。(湯洛雯有沒有感動到喊？)你問佢，我唔覺佢喊。」他稱開始籌備婚禮，之前他們說希望旅行結婚，但甚麼形式還未決定，適合時再同大家講。準新娘湯洛雯亦說：「求婚過程及細節留喺心入面，一直冇同人講，總之開心、感動及好舒服。(有沒有感動到喊？)唔講喇，有共識唔講。」說到新一年開始便有好消息宣布，她稱希望有新開始，大家開開心心，今年新年氣氛好好，希望2023年愈來愈好。
至於婚期方面，湯洛雯指通關後好多人出外旅行及結婚，加上她鍾意即興隨時會變，暫時還未決定，她本身怕熱，多數會在秋天，希望今年之內拉埋天窗。之前黃嘉樂出席活動提議和馬國明一齊到土耳其影婚紗，她稱沒有聽嘉樂提及，但知道土耳其好靚，不過她怕熱，她想去歐洲旅行。早前她和馬明去過日本玩，下次想飛遠些，如果去旅行會考慮影埋婚紗。不過馬明即將開新劇，未必去得太遠，亞洲好多地方影相都好靚，待農曆年後再作計劃。至於會否盡快做媽咪？她表示這個問題太遠，婚後慢慢再計劃。
【其他文章】：
馬國明湯洛雯結婚丨湯洛雯索爆姊妹團有3個港姐！齊露香肩賀嫁人 仲有呢啲賓客現身
馬國明湯洛雯結婚｜6人兄弟團終極曝光！馬國明跪地斟茶搞喊唐詩詠林子善
馬國明新婚後首曝光！手戴戒指春風滿面被集郵 傳孖湯洛雯留蘇梅島度蜜月
馬國明湯洛雯結婚丨拆解新人留言兩個「定情Emoji」！ 曾以獨角獸同小馬洗鴛鴦浴放閃
馬國明湯洛雯結婚丨湯鎮宗夫婦榮升外父外母 一舉動眉開眼笑極開心
