連詩雅（Shiga）主持的J2節目《因為愛情》在前晚（12月30日）播出的第四個愛情故事主角，是因疫情分隔香港及台灣兩地的阿恩和Jason。當年兩人透過朋友介紹而認識，經過一個月密集式保持通話後，相約在台灣旅行見面便認定對方，並先後誕下兩名女兒。原本生活將有更多藍圖，可惜因為疫情，二人三年前開始被迫分隔兩地，兩歲半的小女兒更沒有真正見過父親，一家四口只靠一至兩個月一次的視像通話拉近距離。
【點擊睇連詩雅點解發媽咪脾氣】：
原本憧憬嫁人後膊頭有依靠的阿恩，因為突如其來的改變重拾堅強鬥志，千方百計「一拖二」湊大兩名女兒，為了騰出更多時間照顧小朋友，更放棄原本熱愛的舞台劇幕後工作。難得的是，即使付出再多，阿恩還是能保持正向思想、笑著過好每一天：「再難都只係一個過程，見招拆招囉。我覺得人生到老一定有一啲缺席率，或者會有啲小意外發生，呢個就係人生。」憑著信念，阿恩終等到撥開雲霧的日子，並在製作組與Shiga 陪伴下，為踏上飛往台灣一家團聚的新旅程作最後衝刺。
看見阿恩大女兒的懂事，令Shiga深受感動，更想起五歲時的自己是何等不懂事，Shiga 哽咽地說：「我細個冇阿恩個大女咁生性，佢知道媽媽要照顧妹妹，佢唔會出聲同呷醋。但當我五歲時，我係唔明白點解媽媽由朝到晚都要返工，點解唔可以早啲返嚟屋企，我好深刻喺我五歲嗰時，我發過一次好大嘅脾氣，我問媽咪：『點解你要出去工作，點解你唔可以陪我？』我話我唔要錢呀，我淨係要媽咪！依家大個明白咗，諗番轉頭就會覺得自己原來係咁衰。」
談到異地戀，Shiga 透露只經歷過一次，並坦言不太能接受：「讀書時經歷過，對方去咗美國讀大學，好快我知道我唔係好適合異地戀。首先要各自都好獨立，雖然生活上有好多嘢我可以處理，但我喺情感上係會幾依賴另一半，需要感受到對方喺我面前，當然依家科技好發達可以視像，但我成日覺得隔住個Mon感覺係唔同嘅。」
【其他文章】：
2022回顧｜19位名人藝人逝世 TVB資深演員瞞病情猝逝令人疼心 曾江酒店倒斃震驚全港
劉鑾雄與呂麗君合體行街惹復合傳聞 大劉發聲明列6點澄清：呂小姐有困難
愛回家｜「綠茶婊」小瑤姣功了得冧暈眾男 曹銦玲加入TVB兩年已是節目當駐主持
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
