大劉劉鑾雄今日現身為早前被影到與前女友呂麗君（現名呂姵霖）驚現銅鑼灣皇室堡行街，被揣測二人是否舊情復熾而舉行記者會，在會上劉精神不錯，全程說話十分有中氣，期間更六度企起身，而他更手拎一張相關報導的紙本，大劉首先解析了皇室堡事件與男子爭執，他表示：「公司處理得唔好，我冇位過，擔心有碰撞及絆倒，加上當時見大部分人冇戴口罩，若果我萬一中招係『九死一生』，又擔心被認人出便嗌強姦非禮。」
【相關文章】：
劉鑾雄與呂麗君合體行街惹復合傳聞 大劉發聲明列6點澄清：呂小姐有困難
【點擊睇大劉記者會現場情況】：
蕭若元在網上討論事件，大劉留意到被指有「狂躁症」：「蕭若元話呂麗君指使呢個男人，我覺得絕對唔係。我冇狂躁症，我係有創傷後遺症，點解有創傷後遺症？因為日日都有人嚟打我主意，好多人打我主意，一個月十幾個，多則有2、30個詐騙、敲詐！我講出嚟唔係想人同情我，如果個個人會死，我自己都係高危人士，換咗腎，亦食抗排斥藥，身體抵抗力受抑制，自己打了五針，但醫生話我只有3、4成抗體，我唔係怕死，因為我小朋友4歲、10歲、14歲，我想多幾年睇佢哋成長，有啲人仲話我有潔癖，呢啲係廢話。」
事件焦點的呂麗君亦多次被問及，大劉稱：「最唔想畀人見到我同呂麗君一齊，有個師奶影我相，我冇嬲佢，佢嘅層次係咁，但佢用相機影到呂麗君我就嬲！唔想人誤會以為復合，結果隔兩日就有網上打手寫『邊個大獲全勝搬返屋企』，呢啲係網上造謠！」期間現場律師再讀一次大劉早前發出的聲明，大劉表示：「財產處理上面係陳凱韻與家人，意指除咗陳凱韻與三個細路，仲有我嘅家人，可能包括呂小姐仔女，可能包括前妻寶詠琴嘅仔女，費事畀人話身家係陳凱韻掠晒，絕對冇咁嘅事。」大劉更回應早年新聞說：「有單嘢寫同陳凱韻，係報恩佢阿媽畀咗個腎我，換腎都搵個後生啲，唔會揀60歲嘅老腎。」
再次提及呂麗君，大劉說道：「今次幫呂小姐，若唔係考慮到兩個仔女一個12、一個20歲，我決定幫或者唔幫，平時決定係0.1秒，今次做決定諗咗兩分鐘，係唔想有難堪的事出現影響細路，為佢仔女保留一點尊嚴，考慮到仔女和保護自己、陳凱韻和3個仔女同埋其他仔女，所以要預防，好似李家超所講，害人之心不可有，防人之心不可無，希望記招之後有人收斂啲！好SAD，有啲天生性格到死果日都唔會改，唯有黯然接受。」期間有記者問到呂麗君有何困難？大劉拒絕透露：「我真係唔想講，我做人做事是今日留一線、他日好相見，唔會趕盡殺絕，對任何人都係，唔止呂麗君。有留意財經金融地產的人好快會知，我就唔方便講，如果唔係為咗仔女，我極度唔想幫。」而據財經界消息指，呂麗君因投資失利而損失慘淡。
【其他閱讀】：
莊思明元旦赴赤柱監獄探在囚楊明 IG蒲頭貼相迎新年：全新開始
52歲鍾麗緹螢光粉少女造型遭劣評 微Deep V迎2023網民讚風格切合年齡
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
