郭嘉駿（193）及李炘頤（Alina）今日出席下星期播出的ViuTV真人騷《Fashion Killer》宣傳活動，身穿紅色外套配金色褲、舞獅Look現身的193笑指本來著黑色褲，但見到參賽者的打扮誇張兼搶鏡，所以即時換褲，變得更花枝招展。Alina笑193正配合「九龍灣Wyman 」稱號時，他就笑指自己有很多花名：「我成日都自吹自擂，我夠話自己係九龍灣金剛棒，不過冇人認證咋嘛！」之後兩人從參賽者中選出當日最佳造型，結果由公主打扮的參賽者勝出，得到司儀鄭伊琪的擁抱作為奬勵。
193接受訪問時笑指做了這個節目主持後，打扮「返唔到轉頭」，又表示平日為免被認出，所以出街時會穿得比較低調及會戴帽及眼鏡，但最後亦會被身高出賣：「尤其係加埋肥仔（梁業），冇可能唔認得，我哋兩個咁奇怪嘅身形。」以前只戴耳環的Alina則謂拍完節目後會更著重首飾：「依家發現原來配飾好重要，會戴手鏈、頸鏈同戒指。」問到平日會否幫男友Stanley（邱士縉）襯衫，她說：「佢有專業造型師，不過平時同佢出街就希望佢唔好太Hea。」而193聽罷後即大爆曾在街上遇過披頭散髮的Stanley ：「佢著到好求其，帽都唔戴披頭散髮，著件霉晒嘅T恤加條棉褲出街。」Alina則慶幸男友會穿波鞋而不是拖鞋，問到會否接受穿情侶裝？Alina指不介意著「襯色」的服裝，至於193則覺得情侶裝很奇怪，皆因他認為有點似宣示主權。
《星島頭條》APP經已推出最新版本，請立即更新，瀏覽更精彩內容：http://www.stheadline.com/
