朱敏瀚在劇集《輕‧功》中與視帝黎耀祥演父子，繼《拳王》後再次合作，朱仔指當時第一次與祥哥合作，因角色比較有威嚴，所以很緊張，而今次感覺更親密，笑言拍屋企戲好似返屋企一樣，十分溫馨。
朱仔坦言感受到視帝的演技，因此都想跟上步伐：「好想有更多寫實感，令觀眾有共鳴，今次演出反思自己和親朋戚友的關係，可以放輕人生，感受身邊更重要的事，今次演出和以往作品好不同，令我自己都有想法，踏入30歲，更重視工作的同時，發現父母身體都開始有毛病。現在工作多了、相處時間少了，盡量抽時間在屋企人身上，可能一齊食完午飯再返工，屋企人對我很好，工作上完全沒有給我壓力，作為後盾，自己更應該去珍惜。」
自彈自唱獲JW肯定
朱仔自《反黑路人甲》後一躍而起，近兩年工作接踵而來，並正為新劇《虛擬情人》首擔男一，回顧過去一年的成果，他形容是急速成長：「覺得自己本應可以做多些，因為疫情，《輕‧功》拍攝延長了，所以劇集數量上不算多，自己希望有幾多便拍幾多，想趁後生好好衝刺，不過我都因為拍攝間距變長，中間抽了時間去英國欣賞曼聯賽事，想不到是C朗最後一場曼聯賽事，都算是意外完成人生清單中其中一項。不過今次都是急速成長的一年，拍完《痞子殿下》後得到大家支持，再計畫拍攝續集《痞子2》。」此外，朱仔新一年都想嘗試唱歌：「我都有彈琴唱歌，JW老師聽過都沒有劣評，所以我都有信心，可以努力爭取一下！（感情生活都想有着落？）從來都不拒絕，但一定是工作行先，所以可能抽不到時間陪另一半。」
文：李文偉 圖：朱偉彥
朱仔自《反黑路人甲》後彈起，近兩年工作接踵而來。
踏入30歲，更重視同家人相處的時間。
朱仔新一年都想嘗試唱歌。
朱仔都有彈琴唱歌，仲話JW老師聽過都沒有劣評。
唔抗拒拍拖但一定工作行先。
早前去曼聯睇波意外睇咗C朗最後一場曼聯賽事。
