黃子華、林保怡、謝君豪等到太古城出席賀歲電影《毒舌大狀》群星首映禮，獲林明禎、羅蘭、姜大偉夫婦到場撐。子華被問到可有票房壓力？他笑說：「好興奮，冇乜好緊張，冇嘢要決定我人生未來喎，只是一部戲。」身旁的保怡則笑指子華是身經百戰，加上防疫全面放寬，笑言有信心多一成半票房，更相信能超越子華上一部作品《飯戲攻心》的7000萬紀錄，問到目標數字？保怡笑說：「9000萬望1億啦！我講嘅！」
【點擊睇咱映盛況】：
子華與保怡相識已好多年，自泛亞年代與劉青雲三人同一班，數數都有廿幾年，但同戲合作卻是首次，子華指今次撞到保怡好開心，而戲裡戲外都是老友。問保怡是否疫情後久未拍戲？他笑說：「上年開始拍戲，疫情時便在屋企煮飯、消毒、買餸。我一直都在香港。」提到鄭裕玲（Do姐）為另一賀歲戲《超神經械劫案》聲演，《男親女愛》CP今年在賀歲「打對台」，子華笑說：「係咩？客串吓我部戲都好呀！佢做律師都幾勝任，不過我唔會畀佢過嚟，一陣搶晒我戲，又要好準時收工，有心理壓力，明明準時都以為自己唔準時！（當年好準時？）全組都好準時，今年《毒》都好準時，因為20幾年都成為咗習慣。」
問若票房達標想如何慶祝？子華笑言會用另一部戲慶祝，但講到《飯》也未拍續集？他說：「講就易，但諗一套戲真係唔容易！（再做導演？）短期十年內都不會，現在咁多好導演，睇佢哋劇本都好開心啦！」保怡透露二月拍新戲，新年可以休息，但可能忙於謝票，他笑言「係喎！」子華則說：「我聽說《阿凡達》有1億，希望港產片都可以達標，吐氣揚眉！」
【其他文章】：
萬千星輝2022·女飛躍｜一文睇清十強名單！「最強body」劉穎鏇大戰童顏美少女 炎明熹隨時一劇突圍
劉鑾雄記者會後三日 呂麗君突發IG感性撰文：冬季令人難以安寧
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
