本港的新冠疫情持續，每日的新增確診數字仍徘徊2萬宗。有網民則在網上發文指，近日全家亦一同確診，但父母因為一個原因而堅持外出，而樓主打算為父母作出申報時更反被指責。
該名網民日前在香港討論區以「確診後出街」為題發文，提到近日全家亦一同確診，但父母拒絕「乖乖地隔離」，而堅持帶著病毒外出「播毒」，「出去散步，仲要約朋友」。樓主提到，父母的理由是「周街都陽性，好多人中咗都唔申報」，並直言「我真係完全睇唔過眼」，因此發文詢問其他網民「請問有咩方法可以令佢哋乖乖的隔離？」樓主又指，父母已退休，並要求不要申報確診，因為他們「唔想困喺屋企」，並指「我諗住幫埋佢哋申報，但佢哋唔畀，仲鬧返我轉頭」。
請點擊組圖瀏覽：
相關帖文隨即引起熱議，不少人直斥樓主家人自私，並指「中了還是要申報和嚴守居家隔離令，唔申報仲四處去，被發現或被舉報，可能會野官非！輕則罰款，重則坐牢」、「真係自X私冇公德心」、「係，呢啲人真係好自私」、「呢啲係責任感，要自動自覺先得」等。另有人則建議樓主如常申報，並指「你依家同佢上報， 佢就唔可以出街啦」、「舉報就得啦」、「快啲上報確診啦。拿隔離令出嚟畀佢哋睇確診周圍走係犯法要罰錢坐監」、「大義滅親，馬上申報」、「唔報警，等同同謀」等。另外，有人則分享指，「我同事個男友，聖誕節中咗，然後同佢一齊照出去行街食飯」、「我有朋友中咗都照返工，因為怕無咗bonus」等。
帖文來源：香港討論區
確診者仍需申報及隔離
政府日前宣布撤銷界定密切接觸者及發出檢疫令，但現時確診者的隔離安排暫時維持不變。檢測陽性的市民需填寫電子表格作出申報，衞生署會以短訊形式向確診人士發出隔離令，指示須接受隔離，請避免外出。隔離令有法律效力，應當遵從。確診人士的隔離期原則上仍為14天，但確診人士如在檢測陽性後第4天及第5天進行快速抗原測試並取得陰性結果，便可以於第5天申報測試結果後，提早完成隔離。確診者在隔離期間只可因求診而離開隔離的地方，但外出必須使用點對點交通服務，全程亦須戴上貼面的外科口罩、KN95口罩、KF94口罩或呼吸器。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
