網上今（7日）晨流出兩條「司機撻朵」短片，一名戴鴨舌帽男子駕駛一輛保時捷私家車，沿長沙灣道向美孚方向，馳至長沙灣廣場對開時，疑切線問題與一輛小巴發生爭執，波子男落車施襲兼狂兇小巴司機：「你再嘈唔X使撈，我講嘅」、「和勝和，X你老母」，波子男惡行惹起全車人激憤，眾怒難犯下波子男「嬲爆爆」離去。
▼▼▼波子男惡行連環圖▼▼▼
兩條短片各長約一分鐘，絕無冷場，片段中波子男至少向小巴司機施襲三次，片段一開始已是戲肉，小巴司機問他：「你依家做乜嘢？」，波子男怒罵:「你行Ｘ晒，X你老母」，其後傳出小巴司機聲音：「大家見唔見到佢襲擊我」，波子男原本打算離去，但行了數步後又折返，拋下一句霸氣說話：「你再嘈唔X使撈，我講嘅」、「你唔X信可以即管試」。
小巴司機沒被拋窒：「好呀！我就試吓」，波子男聞言揮拳就打，手機鏡頭立時猛烈搖晃，其間傳出女子聲音：「唔好打人你」，另一男乘客又幫口：「打X你，係咪嚟呀？」，波子男再度折返：「再嚟喇」，他終於按捺不住自揭底牌：「和勝和，X你老母」，小巴司機問：「你依家係咪自稱勝和？」，波子男怒道：「你再嘈，整你老母臭Ｘ」，說後悻悻然離去，女乘客不禁地說：「咁惡嘅，明明佢cut線唔啱」。
事件引起網民紛紛食花生：「咩年代仲響朵勝和」、「對住小巴佬響朵？哈哈 真係有料既（嘅）大哥都好有禮貌既（嘅）」、「睇片都驚，希望拉到人」、「又要在羈留所過年」、「型一時，X一世！」
警方至傍晚表示，留意到網上流傳一段影片，片段中兩名本地男子因交通問題爭執。警方經初步調查，相信一名男私家車司機及一名男小巴司機昨日（6日）上午約8時於長沙灣長沙灣道一商場對開因讓路問題爭執，其間該名男私家車司機懷疑曾以言語恐嚇該名男小巴司機，並自稱三合會成員，案件列「刑事恐嚇」及「自稱三合會成員」，交由深水埗警區反三合會行動組跟進，暫未有人被捕。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
